<div class="version vid1549 iso6393csk" data-vid="1549" data-iso6393="csk">
   <div class="book bkMAT">
      <div class="chapter chINTRO1" data-usfm="MAT.INTRO1">
         <div class="imt1"><span class="content">Wahawu w&#225;amimuu li &#233;liibalayi inye</span></div><div class="ip"><span class="content">M&#225;ciya akiicumuu Hulimahu unhe H&#225;suumaahu, asuwif laam alekoole &#331;&#225;a&#8217;. Bulokabu ban M&#225;ciya alakomuu, bo bommuu kayab b&#250;hal. Buko kommuu k&#250;goomaku </span><span class="w"><span class="content">ku&#331;en li k&#250;l&#805;ubaaku</span></span><span class="content"> kata Y&#233;esu. Lakikkiic Hulimahu unhe H&#225;suumaahu boot li kusuwifaku kan ayinoomuu, min &#225;hiisiil kaanaku Y&#233;esu lakankaan wahawu wan kufulofetaku kulobumuu k&#250;kibben. Wahawu unwu &#250;jimuu, li bakiicelabu boola li alob l&#243; kulim kamee&#331;e kalobi li H&#250;faalumahu Huhaanahu.</span></div><div class="ip"><span class="content">Hulimahu unhe H&#225;suumaahu lakikkiic ho anaben li wah woono hutok wan Y&#233;esu alobe. Wahawu unwu wo wommuu:</span></div><div class="ip"><span class="content">Bawaaleyelabu &#171;li huyuuyahu&#187; balobumuu buu &#225;goom aate alo&#331; eeno (H&#250;tijahu 5&#8211;7); wahawu wan Y&#233;esu asaabumuu k&#250;goomaku koola k&#250;towum kujow kakaanaku kata bulokabu (H&#250;tijahu 10); ukittenoolumawu walobumuu buu J&#225;yiiyaju jata Ateemit jinokoomuu (H&#250;tijahu 13); kulimaku kan alobumuu mata bulo&#331;abu bata Ejanguwayi yammuu huwoogahu hata bukanabuku kata Kilisita (H&#250;tijahu 18); kulimaku kan alobumuu mata kabanaku kata adunaayi (H&#250;tijahu 24-25).</span></div><div class="ip"><span class="content">Hulimahu halobumuu mata J&#225;yiiyaju jata Ateemit, ho Y&#233;esu aha&#331;umuu malob anooten li kulimaku kan aliikenumuu bukanabuku. M&#243; m&#250;jimuu, Y&#233;esu humumool li aan mal&#805;egen okila ammuu &#171;</span><span class="w"><span class="content">A&#241;ool Dayit</span></span><span class="content">&#187; loon kunaake kuhoo&#241;oolumuu &#241;aamee&#331;e. Y&#233;esu ammuu &#225;yiiyawu &#225;atimuu abil, an kufulofetaku kulobumuu moola: kulimaku unku M&#225;ciya alobumuu.</span></div><div class="ip"><span class="content">Bukanabuku k&#225;jallomuu li k&#250;&#331;alul busuuhen &#171;&#225;yiiyawu ata kusuwifaku&#187; (H&#250;tijahu 2:2). Y&#233;esu li alob kaanaku J&#225;yiiyaju jata emitayi jikoojulo (H&#250;tijahu 4:17), ban li joono jata bukanabuku k&#225;tiiwomuu ku&#331;a&#8217; bulo&#331; buwunkul (H&#250;tijahu 4:7), kahaasumuu kaanaku jokiijok li Ateemit (H&#250;tijahu 5:1-10).</span></div><div class="ip"><span class="content">Bale maayeet min &#225;yiiyawu akaanumuu b&#250;hiisenum bata J&#225;yiiyaju li kafaken bukan k&#225;somute, li kasen b&#250;suk bacaalete buti&#241; (H&#250;tijahu 8, 9, 12, 14-15), bale li kuhoyool to mu&#241;owu, loon akila humumool afinumuu min alobe &#241;amee&#331;e aan: kusuwifaku kafa&#241;umuu min kubaj &#225;yii, k&#250;naanumut koon &#225;yiiyawu ummu laate &#225;laam.</span></div><div class="ip"><span class="content">Nan </span><span class="w"><span class="content">Filat</span></span><span class="content"> ajokoolumuu aban, li agel&#805;l&#805;enool aanool: &#171;Awu ommuu &#225;yiiyawu ata kusuwifaku?&#187; Y&#233;esu li aanool: &#171;L&#250;lobulo m&#243; awu humumi.&#187; (H&#250;tijahu 27:11.)</span></div><div class="ip"><span class="content">Nan Y&#233;esu ayitowumulomuu li eketayi aban, li alob kaanaku alet &#225;yii ata kusuwifaku bale: &#171;Libabbaj sembe li emitayi li etaamayi&#187;, ban li alob aan: &#171;Jijow boot tanootan li etaamayi min jikaan bukanabuku kulako k&#250;goom k&#250;mbaam.&#187; (H&#250;tijahu 28:18-19.)</span></div><div class="ip"><span class="content">T&#243;wum Y&#233;esu aket, lasensen k&#250;goomaku koola ekul&#805;umayi yammuu li &#233;ji bukanabuku li kunoken li J&#225;yiiyaju joola. Yo yommuu: ka&#331;a&#8217; bulo&#331; buwunkul, ban li kunokoo loon a&#241;iil atit (H&#250;tijahu 18:3).</span></div>
      </div>
   </div>
</div>

Wahawu wáamimuu li éliibalayi inye
Máciya akiicumuu Hulimahu unhe Hásuumaahu, asuwif laam alekoole ŋáa’. Bulokabu ban Máciya alakomuu, bo bommuu kayab búhal. Buko kommuu kúgoomaku kuŋen li kúl̥ubaaku kata Yéesu. Lakikkiic Hulimahu unhe Hásuumaahu boot li kusuwifaku kan ayinoomuu, min áhiisiil kaanaku Yéesu lakankaan wahawu wan kufulofetaku kulobumuu kúkibben. Wahawu unwu újimuu, li bakiicelabu boola li alob ló kulim kameeŋe kalobi li Húfaalumahu Huhaanahu.
Hulimahu unhe Hásuumaahu lakikkiic ho anaben li wah woono hutok wan Yéesu alobe. Wahawu unwu wo wommuu:
Bawaaleyelabu «li huyuuyahu» balobumuu buu ágoom aate aloŋ eeno (Hútijahu 5–7); wahawu wan Yéesu asaabumuu kúgoomaku koola kútowum kujow kakaanaku kata bulokabu (Hútijahu 10); ukittenoolumawu walobumuu buu Jáyiiyaju jata Ateemit jinokoomuu (Hútijahu 13); kulimaku kan alobumuu mata buloŋabu bata Ejanguwayi yammuu huwoogahu hata bukanabuku kata Kilisita (Hútijahu 18); kulimaku kan alobumuu mata kabanaku kata adunaayi (Hútijahu 24-25).
Hulimahu halobumuu mata Jáyiiyaju jata Ateemit, ho Yéesu ahaŋumuu malob anooten li kulimaku kan aliikenumuu bukanabuku. Mó mújimuu, Yéesu humumool li aan mal̥egen okila ammuu «Añool Dayit» loon kunaake kuhooñoolumuu ñaameeŋe. Yéesu ammuu áyiiyawu áatimuu abil, an kufulofetaku kulobumuu moola: kulimaku unku Máciya alobumuu.
Bukanabuku kájallomuu li kúŋalul busuuhen «áyiiyawu ata kusuwifaku» (Hútijahu 2:2). Yéesu li alob kaanaku Jáyiiyaju jata emitayi jikoojulo (Hútijahu 4:17), ban li joono jata bukanabuku kátiiwomuu kuŋa’ buloŋ buwunkul (Hútijahu 4:7), kahaasumuu kaanaku jokiijok li Ateemit (Hútijahu 5:1-10).
Bale maayeet min áyiiyawu akaanumuu búhiisenum bata Jáyiiyaju li kafaken bukan kásomute, li kasen búsuk bacaalete butiñ (Hútijahu 8, 9, 12, 14-15), bale li kuhoyool to muñowu, loon akila humumool afinumuu min alobe ñameeŋe aan: kusuwifaku kafañumuu min kubaj áyii, kúnaanumut koon áyiiyawu ummu laate álaam.
Nan Filat ajokoolumuu aban, li agel̥l̥enool aanool: «Awu ommuu áyiiyawu ata kusuwifaku?» Yéesu li aanool: «Lúlobulo mó awu humumi.» (Hútijahu 27:11.)
Nan Yéesu ayitowumulomuu li eketayi aban, li alob kaanaku alet áyii ata kusuwifaku bale: «Libabbaj sembe li emitayi li etaamayi», ban li alob aan: «Jijow boot tanootan li etaamayi min jikaan bukanabuku kulako kúgoom kúmbaam.» (Hútijahu 28:18-19.)
Tówum Yéesu aket, lasensen kúgoomaku koola ekul̥umayi yammuu li éji bukanabuku li kunoken li Jáyiiyaju joola. Yo yommuu: kaŋa’ buloŋ buwunkul, ban li kunokoo loon añiil atit (Hútijahu 18:3).

Dengarkan Máciya Wahawu wáamimuu li éliibalayi inye