<div class="version vid1324 iso6393suc" data-vid="1324" data-iso6393="suc">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt1"><span class="content">Og Piuna Talu&#42892; pa&#42892;ali sog Gomba&#42892;is nog Guksugan nog Sinulat ni Jan</span></div><div class="ip"><span class="content">Og libru koni nog sinulat ni Jan, og mokposun nog si Isus, iningolanan ion nog Talu&#42892; nog Mikpongon nog da&#42892; kopus non nog miktimaluy gotow mangka ion duma mogonog dini nita. Sa&#42892;an sinulat ni Jan og guksugan koni, bagun ain og mogbasta dun, tumud ilan nog si Isus og pinasad kitu&#42892; nog Polonabang. Ion og Bata&#42892; nog Mikpongon, bu bianan sog tud nilan dianon kobogayan ilan nog kotubu&#42892; nog da&#42892; kopus non.</span></div><div class="ip"><span class="content">Tidu ni Jan tolu&#42892;on nog si Isus og Talu&#42892; nog Mikpongon, piguksugan non og gininisan nog piginang ni Isus nog kosobu&#42892;sobu&#42892; boya&#42892;an mitantu nog si Isus doda&#42892; og pinasad kitu&#42892; nog Polonabang sog gotowanan, bu ion og Bata&#42892; nog Mikpongon. Tubus nitu&#42892;, piguksugan non dosop bog olo doda&#42892; og pilanta&#42892; dia sog gininang non kitu&#42892; nog kosobu&#42892;sobu&#42892;. Bu tinalu&#42892; dosop dini nog ngon gotowanan nog tinumud dianon, bu ngon dosop og duma sinumusi bu ompok ilan tumud dianon. Sog kopituluanan 13-17, mikuksug pa&#42892;ali sog glolaman ni Isus dia sog sulanggu&#42892;anan non, bu og pondolo&#42892;isogan non dianilan sog gobi kitu&#42892; nog kukpa&#42892; dianon. Sog gimpusan, sinulat ni Jan pa&#42892;ali sog koukuman dia ni Isus, og kopatoy non, og kopotubu&#42892; dianon tidu sog patoy, bu og kopokpotongow non dia sog sulanggu&#42892;anan non tidu ion motubu&#42892; puli&#42892;.</span></div><div class="ip"><span class="content">Migustal si Jan nog og kotubu&#42892; nog da&#42892; kopus non, og bogoy da nog Mikpongon bianan dia ni Isukristu nog ion og Dalan, og Motud, bu og Kotubu&#42892;. Ain tumolima&#42892; dia ni Isus, kobogayan ilan nog kotubu&#42892; nog da&#42892; kopus non.</span></div><div class="io1"><span class="content">1. Og bokna nog gustalan non, 1:1-18.</span></div><div class="io1"><span class="content">2. Si Jan nog Polomunyag bu og mikuna nog sulanggu&#42892;anan ni Isus, 1:19-51.</span></div><div class="io1"><span class="content">3. Og piginang ni Isus dia sog kodokolan nog gotowanan, 2:1&#8211;12:50.</span></div><div class="io1"><span class="content">4. Og gimpusan nog tang non ditu&#42892; sog Jerusalem bu sog glumibut nog gimbolayan koyon dion, 13:1&#8211;19:42.</span></div><div class="io1"><span class="content">5. Og kopotubu&#42892; dia ni Isus tidu sog patoy bu og kopokpotongow non sog gotowanan, 20:1-31.</span></div><div class="io1"><span class="content">6. Og gimpusan nog gustalan non, og kopokpotongow ni Isus sog sulanggu&#42892;anan non ditu&#42892; sog Galili, 21:1-25.</span></div>
      </div>
   </div>
</div>

Og Piuna Taluꞌ paꞌali sog Gombaꞌis nog Guksugan nog Sinulat ni Jan
Og libru koni nog sinulat ni Jan, og mokposun nog si Isus, iningolanan ion nog Taluꞌ nog Mikpongon nog daꞌ kopus non nog miktimaluy gotow mangka ion duma mogonog dini nita. Saꞌan sinulat ni Jan og guksugan koni, bagun ain og mogbasta dun, tumud ilan nog si Isus og pinasad kituꞌ nog Polonabang. Ion og Bataꞌ nog Mikpongon, bu bianan sog tud nilan dianon kobogayan ilan nog kotubuꞌ nog daꞌ kopus non.
Tidu ni Jan toluꞌon nog si Isus og Taluꞌ nog Mikpongon, piguksugan non og gininisan nog piginang ni Isus nog kosobuꞌsobuꞌ boyaꞌan mitantu nog si Isus dodaꞌ og pinasad kituꞌ nog Polonabang sog gotowanan, bu ion og Bataꞌ nog Mikpongon. Tubus nituꞌ, piguksugan non dosop bog olo dodaꞌ og pilantaꞌ dia sog gininang non kituꞌ nog kosobuꞌsobuꞌ. Bu tinaluꞌ dosop dini nog ngon gotowanan nog tinumud dianon, bu ngon dosop og duma sinumusi bu ompok ilan tumud dianon. Sog kopituluanan 13-17, mikuksug paꞌali sog glolaman ni Isus dia sog sulangguꞌanan non, bu og pondoloꞌisogan non dianilan sog gobi kituꞌ nog kukpaꞌ dianon. Sog gimpusan, sinulat ni Jan paꞌali sog koukuman dia ni Isus, og kopatoy non, og kopotubuꞌ dianon tidu sog patoy, bu og kopokpotongow non dia sog sulangguꞌanan non tidu ion motubuꞌ puliꞌ.
Migustal si Jan nog og kotubuꞌ nog daꞌ kopus non, og bogoy da nog Mikpongon bianan dia ni Isukristu nog ion og Dalan, og Motud, bu og Kotubuꞌ. Ain tumolimaꞌ dia ni Isus, kobogayan ilan nog kotubuꞌ nog daꞌ kopus non.
1. Og bokna nog gustalan non, 1:1-18.
2. Si Jan nog Polomunyag bu og mikuna nog sulangguꞌanan ni Isus, 1:19-51.
3. Og piginang ni Isus dia sog kodokolan nog gotowanan, 2:1–12:50.
4. Og gimpusan nog tang non dituꞌ sog Jerusalem bu sog glumibut nog gimbolayan koyon dion, 13:1–19:42.
5. Og kopotubuꞌ dia ni Isus tidu sog patoy bu og kopokpotongow non sog gotowanan, 20:1-31.
6. Og gimpusan nog gustalan non, og kopokpotongow ni Isus sog sulangguꞌanan non dituꞌ sog Galili, 21:1-25.

Dengarkan Jan Og Piuna Taluꞌ paꞌali sog Gombaꞌis nog Guksugan nog Sinulat ni Jan