مَتَّى 12:28-15

وَ كُبَارَاتْ رُجَالْ الدِّينْ وَ الشُّيُوخْ لَمَّوْا وَ أَشَّاوَرَوْا أَمْبَيْنَاتْهُمْ فِي الْكَلَامْ دَا. وَ أَنْطَوْا قُرُسْ كَتِيرْ لِلْعَسْكَرْ دَوْل وَ قَالَوْا لَيْهُمْ: «وَاجِبْ تُقُولُوا: ‹تَلَامِيذ عِيسَى جَوْا فِي اللَّيْل وَ سِرْقَوْا جَنَازْتَهْ وَكِتْ أَنِحْنَ نَايْمِينْ.› وَ كَنْ الْوَالِي سِمِعْ بِالْكَلَامْ دَا، أَنِحْنَ نِحَامُوا لَيْكُو وَ مَا تَلْقَوْا أَيِّ مُشْكِلَةْ.» وَ الْعَسْكَرْ شَالَوْا الْقُرُسْ وَ سَوَّوْا مِثِلْ الْكُبَارَاتْ قَالَوْه لَيْهُمْ. وَ مِنْ الْوَكِتْ دَاكْ لَحَدِّي الْيَوْم، كَتِيرِينْ مِنْ الْيَهُودْ قَاعِدِينْ يِخَبُّرُوا بِكَلَامْهُمْ دَا.