मरकुस 12
12
दुस्ट किसानकू राः उदाहरड़
(मत्ती 21:33-46; लूका 20:9-19)
1हेना वरी फेर ईसु होड़कू थरे उदाहरड़िय कहनी तेडा, “मियाँहोड़ अंगूर राः बगानिय लगो तेडा, अवुर हेना राः चारियो गतारिय घोरन तेडा, अवुर रस तू सँगड़ लगड गाढिय एर लतेडा, अवुर गुंगड़ुय एर बनो तेडा; अवुर हेना बगान ठिका ते जिमा अटुवड कुते, अनेज एटाः देस हनतेय चलो एना। 2हेना वरी अंगूर गोड राः समय मेजेना, हेना वरी बगान राः हिसत असी लगड ठिकेदारकू थरे मियाँहोड़ हरवाहिय कुलतेडा। 3लेकिन हेंकू किसानकू हेंय सब केडिय तेकू ञेंड बेड़ा वडियू, अवुर एके ती तेकू कुल गोत्तेडियू। 4हेना वरी फेर हेंय एने टगी हरवाह हेंकू थरेय कुलतेडा, हेना वरी हेंकू हेंय भोःतू कू ञेंड पोहाः तेडा, अवुर हेंय राः मजाक कू उड़ो तेडा। 5हेना वरी हेंय होड़ फेरेच मियाँहोड़ हरवाहिय कुलतेडा, अवुर हेंकू हेंय हरवाहकू ञेंड गोजतेडिया। तहाँ हेंय अनावुर हरवाह कुय कुलतेडा, हेना मेंडे केय झनकू ञेंड बेड़ा वडकू, अवुर केय झनकू ञेंड गोजतेड कुआ। 6अब हेंय थरे मिनियें होड़ दुलारिय हेंय कोड़ा होपोन तू भर बंचो तना, अखरी रे हेंय होय कुलतेडिया, हेंय पसींद तेडा कि ‘नेय जरूर कू आदर इजेतिया’ मेनते। 7लेकिन किसानकू, हेंय कोड़ा होपोन मेजुः तोलोग कू ञेंलकेडिय तेकू कहनी ओड़ेंग एना, ‘नआँ बगान राः हँकदारिय बनोआ, दू ता मेय बू ञेंड गोज गोत्तेयू, तहाँ बगान अबू राः होयाआ।’ 8अवुर हेंय कू सब केडिय तेकू ञेंड गोजतेडिया, तहाँ अंगूर बगान वरी बहेर हँडे कू घिर अटु तेडिया।
9हेनाते अंगूर बगान रेनिय मुँवर तू हेंकुय ची कुआ? हेंय मेजकोःते हेंकू ठिकेदार कुय नास कुआ, अवुर अंगूर बगान एटाः कुय ओवाआ। 10अपे भगवान राः कागद रे नआँ घयते लिखल इदाना, हेना बेगर पे पड़होआ किदो? ‘जे दिरी राज मिस्तीरिकू बे-कमा मेनते कहनी वडा, हेनेना दिरी कोना राः बनो एना; 11नआँ परभु हनवरी होया केना, अवुर अबू नँजेर रे अहचरज गिआ’!” 12तहाँ हेंकू ईसु सबेय मेनते कू सँबह तना, कहेकि हेंकू जेर गोत्तेड दोहो एनु कि नेय अबू राः बिरोध रे नआँ उदाहरड़िय कहनी केडा मेनते। लेकिन हेंकू होड़कू कू बोरो वडा, हेनाते हेंकू हेंय बगी अटु वडिय तेकू चलो यनु।
रोमि सरकार लगड मलगुजारी
(मत्ती 22:15-22; लूका 20:20-26)
13तहाँ हेंकू कनर टेबोः रे फसोविय लगड गोटाचार फरीसिकू अवुर हेरोदिकू ईसु थरे कू कुलतेड कुआ। 14हेना वरी हेंकू मेजकेन तेकू कहनी तेडा, “ओ गुरू, अले पपाड़ी तना कि अम सही गिआमूँ अवुर कनय मेनेम गदन वआ; कहेकि अम होड़कू राः मुँह चीन ते मेनेम टेबोआ, मगर अम भगवान राः होर सही सही तेम चेडकुआ, अलेम लायवा कयसर लगड मलगुजारी एम जयेज इदाना किदो कोवाआ? 15अले एमेय किदो ले अलो?” ईसु हेंकू राः हुसयारी ञेंल तेय कहनी तेडा, “इंञ ची लगड पे अजमो यडिञाँ? मियाँटंग सिक्का इंञ थरे पे आगे इंञ ञें-लेआ।” 16हेना वरी हेंय कू ओवाडिया, अवुर हेंय हेंकू थरेय कहनी तेडा, “नआँ छाप अवुर ञुमू ईया राः हवे?” हेना वरी हेंकू कहनी तेडा, “कयसर रआ।” 17ईसु हेंकुय जबाब वडा, “कयसर राः हवे हेना कयसर पे ओवा, अवुर भगवान राः हवे, हेना भगवान पे ओवा।” तहाँ हेंकू हेना अँजोम केते अखीर कू अहचरज यनु।
जियो रिमुआँ अवुर बियाह राः बारे ते
(मत्ती 22:23-33; लूका 20:27-40)
18 #
परेरित 23:8
गोजकोः वरी एरो कू जियो रिमेना मेनते बिसवासेः हेंकू मेंडे कुछ सदूकिकू ईसु थरे कू मेजकेन तेकू होंबोर तेडिया, 19“ए गुरू, अबू लगड मूसा नआँ घयते नियामिय लिखो केडा कि अगर कनय मगत चोंडिजकू बेगर हँबुड ते इंगत कुय गोज उर अटु रे, हेंय कोड़ीहोन ईरविल तू बियाहियू, अवुर हेंय मगत राः पिड़ही दोहोन लगड चोंडिज कुय जलमो। 20मियाँटंग गाँव रे सात झन मगियाकू दोहो एना। बडेअय मगत राः बियाह होया एना, अवुर हेंय बेगर चोंडिज तेय फटियो यनु। 21हेना वरी हेंय वरी होडीञाँय ईरविल तू कन्याँ तेडिया, तहाँ हेंय हो बेगर चोंडिज तेय फटियो यनु; अवुर नेन याःते संझलत कू होय कन्याँ तेडिया। 22अवुर सातो झन सुदा चोंडिजकू मेने कू होया गना; अखरी रे हेंय कोड़ीहोन होय फटियो यनु। 23दो जियो रिमुः रे हेंकू मेंडे रे काय कन्याँय होयाआ? कहेकि हेंकू सातो झनकू कन्याँ तेडिया।”
24हेना वरी ईसु हेंकू थरेय कहनी तेडा, “अपे न दो भगवान राः कागद न दो हेंय राः सक्ति पे पपाड़िआ, हेनाते अपे भूल रेपे पड़ो केना। 25कहेकि हेंकू गोजकोः वरी कू जियो रिमुः रे, न दोकू बियाहुआ, न दो बियाह रेकू एमकुआ, हेंकू सरग रे सरगदूतकू घयतेकू दोहोना। 26गोजकोः वरी कू जियो रिमुआँ किदो एरोआ मेनाआँ अपे मूसा लिखो केडा कागद रे, अवुर सलगो एन हेना झाउड़ राः बिसेय ते बेगर पे पड़ोः किदो? भगवान मूसा थरेय कहनी तेडा, ‘इंञ अबराहम रेनिय भगवान हवे, अवुर इसहाक रेनिय भगवान हवे, अवुर एकूब रेनिय भगवान हवे।’ 27भगवान गोजकेन हेंकू रेनिय न लगे, हेंय जीवत गिः हेंकू रेनिय हवे; अपे अखीर भूल रेपे पड़ो केना।”
सींड़ वरी बडेआ हुकूम
(मत्ती 22:34-40; लूका 10:25-28)
28हेना रे फेर एहूदी नियम चेचेडकू मेंडे रे मियाँहोड़ मेजेना। अवुर होड़बादुः तोलोगिय अँजोम तेडकुआ, ईसु अच्छातेय जबाब वडकुआ, हेना ञेंलते ईसुय होंबोर तेडा, “सींड़ वरी बडेआ हुकूम करा हवे?” 29हेना वरी ईसु जबाब वडिया, “सींड़ वरी बडेआ हुकूम नआँ हवे, ‘ए इसराएलिकू अँजोम पे! परभु अबू रेनिय भगवान मिनियें टंगाअय परभु हवे। 30अवुर अम परभु अमाअय भगवान पूरा मन लगय ते अवुर अपन पूरा जीव लगय ते अवुर पूरा बुद्ही लगय ते अवुर अपन पूरा सक्ति लगय तेम परेमियूँ।’ 31अवुर दूसरा नआँ हवे, अम अमाअय परोसी अनम घयतेम परेमियूँ, नआँ वरी बडेआ हुकूम अवुर कनर कोवाआ।”
32हेना वरी एहूदी नियम चेचेडय कहनी तेडा, “ओ गुरू, अम ठिकेम कहनी तेडा कि मिनियेटंग भगवान इदाना, हेंय छोड़ अवुर कनय कोवाआ। 33अवुर हेंय सुदा पूरा मन लगय ते, पूरा बुदही लगय ते अवुर पूरा जीव लगय ते अवुर पूरा सक्ति लगय तेम परेमियूँ, अवुर अमाअय परोसी अनम घयतेम परेमियूँ, अवुर सींड़ होमबली अवुर बलिदान वरी हो बडे गिआ।” 34#लूका 10:25-28ईसु ञेंलतेडिया कि हेंय जेर केतेय जबाब तेडा, तहाँ हेंय थरेय कहनी तेडा, “अम भगवान राः राज वरी सँगिंञ रे कोवा मिआँ,” अवुर हेंकू कनय फेर कनारा होंबोरिय लगड मेने कू हियो गडा।
मसीहा ईया होपोन हवे?
(मत्ती 22:41-46; लूका 20:41-44)
35हेना वरी ईसु मँडिल रेय चेडकू तोलोग नआँ घयतेय कहनी तेडा, “मसीहा दाऊद होपोन हवे मेनते एहूदी नियम चेचेडकू काःतेकू कहनियाँ?” 36दाऊद पवितर आत्मा ते पेरेज केनतेय कहनी तेडा, “परभु इंञाअय परभु#12:36 भगवान ईञाअय मसीहा थरेय कहनी तेडा। थरेय कहनी तेडा; ‘इंञ अमाःकू दुस्मनकू अनायिन हरो कू मेन दिन इंञ वरी जोम गतर रेम दुड़ूबु’।” 37दाऊद अनानेज परभु मेनतेय कहनी वया, “हेंडे दो फेर हेंय होपोन काःतेय होयाआ?” अवुर भीड़ रेनकू होड़कू हेंय राः खुसी तेकू अँजोमे दोहो एनु।
एहूदी नियम चेचेडकू वरी सँवचेती ते दोहोनू
(मत्ती 23:1-36; लूका 20:45-47)
38हेंय अनेज राः सिक्छा रे हेंकू थरेय कहनी तेडा, “एहूदी नियम चेचेडकू वरी सँवचेती तेपे दोहोनू, नेकू जोंगोर जोंगोरा कपड़ा कू तुसींञ केते होयोरूऊ अवुर बाजार कहीं ते जोहार वकुआ हेना कू ञँम बेड़ाआ, 39अवुर आराधना ओड़ाः ते, अवुर खवा पिवाः जघा ते मड़ंग हँडे दुड़ूब बढ़ियाँ वकुआ। 40नेकू एकल कोःकू राः अन धन होकू छरो जोमा, ञेंलेंञ मेनते दो अखीर देर मेनते कू बिनतिआ, भगवान नेकू अखीर ते सजाय ओवा कुआ।”
एकल तनय कोड़ीहोन राः दान
(लूका 21:1-4)
41अवुर ईसु मँडिल राः दान कसोआ पेटी मड़ंग रे दुड़ूब केनते पेयसा कसो कुय ञेंल एनेज दोहो एनु; अवुर नगदे धनमान होड़कू बहुत कुछ दान कू कसो तेडा। 42हेना वरी मियाँहोड़ एकल तनाय कोड़ीहोन हो मेजकेन ते बाटंग दम-दामा तँबा राः सिक्काय कसो तेडा, हेना जोरोय रेदो एक रूपया राः बरोबर सेनुआँ। 43तहाँ ईसु अनेज रेनकू चेला कुतय राः केडकू ते हेंकू थरेय कहनी तेडा, “इंञ अपे थरे सही मेतेंञ कहनी यडा कि मँडिल राः दान लोजोर तेड हेंकू मेंडे रे, नेय एकल केनाय कोड़ीहोन सींड़कू वरी बगरा दानिय लोजोर केडा। 44कहेकि सींड़कू अपन झपन धन राः बढ़ती वरी कू लोजोर केडा, लेकिन नेय अनेज थरे जे-ना दोहो एना, हेना सींड़िय लोजोर गोत्तेडा, हें-नते हेंय राः गुजारा चलोः दोहो एनु।”
Արդեն Ընտրված.
मरकुस 12: ksz
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2022, Wycliffe India. All rights reserved.