Kananet 10
10
Tatuget cik dooli cik Nowa
1Baling uuddai maama, i̱ti̱rrtta̱ dooli wak Nowa e̱e̱ggi̱n i̱i̱yo̱, Shem ki Ham ki Japheth dooli cigge̱k.
Olli Japhethi
2E̱e̱ggi̱n ne̱ko̱ dooli cik Japhethi:
Gomer, Magog, Madai, Javan, Tubal, Meshech ki Tiras.
3Ovvo dooli cik Gomeri ciko:
Ashkenaz ki Rivaz ki Togarma.
4E̱e̱ggi̱n ne̱ko̱ dooli cik Javani:
Elishah, Tarshish, Kittimi ki Rodanim. 5E̱e̱ggi̱n nege ji̱ji̱ti̱k ol balik owo i̱be̱te̱ amuda da̱i̱ne̱t li̱i̱llo̱we̱ azanonnik lo̱o̱cco̱k i̱do̱ngi̱ne̱ kar kozozit u̱tu̱ge̱tti̱ cik aavtte do̱ do̱.
Olli Hami
6E̱e̱ggi̱n ne̱ko̱ dooli cik Hami:
Kush, Mizraim,#10:6 Mizraim: Utuge ci I̱bu̱ru̱ awu ol lo̱o̱c ci Masiro azi ne, Mizraim. Put ki Kanaan.
7Ovvo zin dooli cik a̱rri̱ta̱ Kushi ko̱ e̱e̱ggi̱n ciko:
Seba, Havilah ki Sabtah, Raamah ki Sabteca.
A̱rri̱ta̱ Raamah:
Seba ki Dedan.
8Een Kushi be̱e̱ti̱ Nimrodi wa bali ingazi kize mooldog ci illau lo̱o̱ta̱ ngatu. 9Een enne bo̱do̱k e̱e̱t ci akati elegje oroot ngu̱me̱ ci Manyi; zoz zin ci azi zoz ne, “Ogon ki Nimrodi e̱e̱t ci akati elegje ngu̱me̱ ci Manyi.” 10Ovvo ngintik abale enne ol oowa ke̱ ne̱ko̱: Babilon Erech, Akkad, ki Calneh, lo̱o̱ce̱ ci Shinar. 11Kar bo̱do̱k ku̱lu̱k kuk lo̱o̱ce̱ ci een Assyria, eteheeny zin Nineveh, Rehoboth Ir, Calah 12ki Resen, ci aave orgene ci Nineveh ki Calah; een orog ci a̱ddi̱ki̱re̱.
13Een Mizraimi be̱e̱ti̱ ol ciko
Ludites, Anamites, Lehabites, Naphtuhites, 14Pathrusites, Casluhites (wa bali a̱vvu̱nne̱ olli Philistino) ki Caphtorites.
15I̱ti̱rra̱ zin Kanaani
Sidon kize a̱bu̱ cinne, kar enne kize ji̱ji̱ti̱k ol ciko: Boor ci Hittites, 16Jebusites, Amorites, Girgashites, 17Hivites, Arkit, Sinites, 18Arvadites, Zemarites ki Hamathites.
Imma vu̱rrta̱ azante booryowa cik Kanaani 19kar zin lokoreta cik Kanaani kangaba meer Sidon o̱to̱ne̱ ci i̱do̱ kuk ki̱li̱te̱ rok Gerar i̱do̱li̱ya̱, kottod kuk bo̱do̱k rok Gaza nyigja, kuluce kuk ki Sodom ki Gomorrah, Admah ki Zeboiim kuk zee rok Lasha.
20E̱e̱ggi̱n ne̱ko̱ dooli cik Hami wak abak lo̱o̱ce̱ cinne̱ng do̱ do̱ ki zoz cinne̱ng do̱ do̱.
Olli Shemi
21I̱ti̱rra̱ Shemi gotoni Japheth wa a̱ddi̱ki̱re̱ logoz ciginnek, een zin enne ji̱ji̱ti̱ doolik Eberi.
22E̱e̱ggi̱n dooli cik Shemi ko̱:
Elam, Asshur, Arvacad, Lud ki Aram.
23Ovvo dooli cik Arami e̱e̱ggi̱n ciko:
Uz, Hul, Gether ki Meshech.
24Een Arvacadi be̱e̱ti̱ Shelah,
kar Shelah kize be̱e̱ti̱ Eber.
25I̱ti̱rra̱ zin Eberi dooli rama:
azi co̱de̱ zar ne Peleg,#10:25 Peleg: Utuge ci I̱bu̱ru̱, azi keng cik zar ne̱ko̱ ne, odong ele. ma̱rri̱t looci engerye e̱rki̱te̱ cinne; okko gotoniya azi zar ne Joktan.
26Een Joktani be̱e̱ti̱
Almodad, Sheleph, Hazarmaveth, Jerah, 27Hadoram, Uzal, ki Diklah, 28Obal, Abimael, Sheba, 29Ophir, Havilah ki Jobab. E̱e̱ggi̱n ne̱ko̱ do̱o̱k dooli cik Joktani.
30Akane looci ci abahe nege ko̱ Meshakte kuk ki Sephar o̱to̱ne̱ ci je̱e̱no̱ biyene.
31E̱e̱ggi̱n dooli ne̱ke̱ cik Shemi aavtte i̱do̱ngi̱ne̱ ki bo̱do̱k u̱tu̱ge̱tti̱ cik aavtte do̱ do̱ kar bo̱do̱k kabaito lo̱o̱co̱we̱ cigge̱k.
32E̱e̱ggi̱n ne̱ko̱ do̱o̱k booryyok cik a̱vvu̱ doolinne cik Nowa, ki tatuget cigge̱k, lo̱o̱co̱we̱ cigge̱k. Kar booryowa do̱o̱k kazantozik lo̱o̱cco̱k baling ibil tawani lo̱o̱ta̱.
Արդեն Ընտրված.
Kananet 10: tex
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2018, Wycliffe Bible Translators, Inc. All rights reserved.