ՍԱՂՄՈՍՆԵՐ 55:1-7

Ո՜վ Աստված, լսի՛ր իմ աղոթքը և քեզ մի՛ թաքցրու իմ աղաչանքից։ Նայի՛ր ինձ և պատասխա՛ն տուր ինձ, որ մոլորված եմ իմ տրտմության մեջ և սուգ եմ անում Թշնամու ձայնից և ամբարիշտի նեղություն տալուց, որովհետև անօրենություն են բարդում ինձ վրա և բարկությամբ հալածում են ինձ։ Սիրտս դողաց իմ մեջ, և մահվան սարսափներն ընկան ինձ վրա։ Վախ ու դող եկավ վրաս, և սոսկումը ծածկեց ինձ։ Եվ ես ասացի. «Երանի՜ թև ունենայի աղավնու պես, որպեսզի թռչեի և հանգիստ լինեի։ Ահա կփախչեի, կհեռանայի ու անապատում կբնակվեի։ (Սելա)։