Piligu 2
2
1Lala ka Naawuni daa nam zuɣusaa mini dunia ŋɔ ni di binshɛɣukam zaa naai. 2#Hib 4.4, 10 #Yibu 20.11 Zaŋ chaŋ dabisili din pahir’ ayopɔin dali daa ti yɛn paai, ka Naawuni pun naai o ni daa nam binshɛɣukam zaa maa tuma; ka vuhi o ni daa tum tuun’ shɛŋa maa zaa vuhim daba ayopɔin maa dali. 3Ka Naawuni daa niŋ alibarika niŋ dabisili din pahir’ ayopɔin maa ni, ka zaŋ li leei dabisili din be kasi, dama dindali maa ka Naawuni daa vuh’ o ni daa tum shɛlikam zaa binshɛɣukam nambu ni maa jɛlinsi. 4Naawuni ni daa nam zuɣusaa mini dunia ŋɔ binshɛɣukam zaa shɛm m-bala.
Idɛn puu
Yawɛ ŋun nyɛ Naawuni ŋɔ ni daa nam dunia ŋɔ mini zuɣusaa dahin’ shɛli, 5tutuɣu daa na kani, ka binshɛli mi daa na bi bili yi tiŋgban’ ni na, dama Yawɛ ŋun nyɛ Naawuni ŋɔ daa bi chɛ ka saa mira, ka so mi daa kani kɔra; 6amaa kom daa puhiri yirila tiŋ’ na m-mahigiri tiŋgbani zaa.
7 #
1 Kɔr 15.45
Di saha ka Yawɛ ŋun nyɛ Naawuni ŋɔ daa zaŋ tiŋgban’ ni taŋkpaɣu n-nam ninsala,#2.7Hiburuli ni bɛ ni booni daadam bee ninsal’ shɛm ŋmanila bɛ ni booni tiŋgbani shɛm. ka vuhi nyɛvili vuhim niŋ o nyee ni; ka ninsal’ leei ŋun mali nyɛvili.
8Ka Yawɛ ŋun nyɛ Naawuni ŋɔ daa nam puu niŋ Idɛn din be wulimpuhili polo n-zaŋ o ni nam ninsal’ so maa niŋ nimaani. 9#Kah 2.7; 22.2, 14 Ka Yawɛ ŋun nyɛ Naawuni ŋɔ daa chɛ ka tia kam din lihibu viɛla ka simdi dibu bili yi tiŋgban’ ni na. Ka nyɛvili tia mini tia din chɛri ka nir’ baŋdi zaɣ’ suŋ ni zaɣ’ biɛɣu gba daa be puu maa sunsuuni.
10Ka mɔɣili kom daa zɔri yiri Idɛn na n-teeni puu maa; ka di daa woligi n-niŋ mɔɣ’ anahi nimaani. 11Mɔɣ’ shɛli din daŋ tooni yuli m-booni Pishɔn. Dina n-zɔri gindi Havila tiŋgbɔŋ zaa, ka salima be nimaani. 12Ka di tiŋgbɔŋ maa salima viɛl’ pam; ka tulaale tihi mini kuɣ’ viɛla gba be nimaani. 13Ka mɔɣ’ shɛli din pah’ ayi yuli booni Gihɔn. Dina n-nyɛ din zɔri gindi Itiɔpia#2.13 ITIƆPIA: Kurimbuni ha bɛ daa boonila Itiɔpia la Kush. tiŋgbɔŋ. 14Ka mɔɣ’ shɛli din pah’ ata yuli booni Tigiris. Dina n-zɔri kpari Asiria wulimpuhili polo. Ka mɔɣ’ shɛli din pah’ anahi mi yuli booni Yufretiiz.
15Ka Yawɛ ŋun nyɛ Naawuni ŋɔ daa zaŋ ninsal’ maa niŋ Idɛn puu maa ni ni o kɔr’ li, ka yuuni li. 16Ka Yawɛ ŋun nyɛ Naawuni ŋɔ daa yɛli ninsal’ maa, “Dim’ tihi din be puu ŋɔ ni wala; 17amaa ti’ shɛli din chɛri ka nir’ baŋdi zaɣ’ suŋ mini zaɣ’ biɛɣu la, miri ka a di li, dama a yi ti di li dahin’ shɛli, a ni kpi.” 18Dimbɔŋɔ nyaaŋa ka Yawɛ ŋun nyɛ Naawuni ŋɔ daa yɛli, “Di bi simdi ni doo be o ko, n ni nam sɔŋda ŋun simd’ o ti o.” 19Tiŋgban’ ni ka Yawɛ ŋun nyɛ Naawuni ŋɔ daa yihi biŋkɔbiri balibu kam mini noonsi balibu kam n-zaŋ ba na ti ti ninsal’ ni o nya o ni yɛn boli ba yu’ shɛŋa; ka ninsal’ ni daa boli binnɛɔŋ kam zaa yu’ shɛli, o yuli n-kul bala. 20Ka ninsal’ daa boli niɣi zaa mini noonsi zaa ni mɔɣu ni biŋkɔbiri zaa yuya; amaa ka ninsal’ ŋun’ daa lee ka sɔŋda ŋun nyɛ o kpee.
21Dinzuɣu ka Yawɛ ŋun nyɛ Naawuni ŋɔ daa chɛ ka gom gbaai doo maa pam, o ni daa gbihiri saha shɛli maa, ka o daa yih’ o sapir’ kɔb’ yini ka daai nimaani nimdi ŋari; 22ka zaŋ o ni daa yihi sapir’ kɔb’ shɛli maa nam paɣa n-zaŋ o ti doo maa. 23Di saha ka doo maa daa yɛli,
“Mmaŋmaŋ’ kɔbili mini
mmaŋmaŋ’ niŋgbuŋ m-bɔŋɔ.
O yuli m-booni paɣa,#2.23Hiburuli ni bɛ ni booni paɣa shɛm ŋmanila bɛ ni booni doo shɛm.
dama doo niŋgbuŋ ni ka o yina.”
24 #
Mat 19.5; Maak 10.7-8; 1 Kɔr 6.16; Ɛfɛs 5.31 Dinzuɣu ka doo ŋmaligir’ o ba min’ o ma sani n-zaŋd’ omaŋ’ tabind’ o paɣa, ka bɛ niriba ayi maa be kaman ninvuɣ’ yino la.
25Doo maa min’ o paɣ’ maa daa bela bɛ zaɣim, amaa ka di bi mali ba vi.
Արդեն Ընտրված.
Piligu 2: DBwDB
Ընդգծել
Կիսվել
Պատճենել
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fhy.png&w=128&q=75)
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Dagbani Bible with Deuterocanonical Books © Bible Society of Ghana, 2011.