Luɔi 7
7
Jam de Thepano
1Go bɛ̈nydïït ë kake Nhialic thiëëc an, “Yek yith kek ee kake?”
2 #
Cäk 12:1. Go lueel an, “Wek wɛ̈ɛ̈t ke wäär ku wärkuɔ, piɛŋkï këdï! Nhialic cath ke dhuëëŋ, yen acï tuöl tëde wäärdan Abraɣam të ɣɔn nu yen Methopotamia, aŋoot ke kën guɔ ceŋ ë Ɣaran, 3go yɔ̈ɔ̈k an, ‘Jël paandun ku päl mïthëkɔckun, ku bä paan bä nyuöth yïn.’ 4#Cäk 11:31; Cäk 12:4. Ago jäl paan ë Babilonia, bï ku nyuuc ë Ɣaran: na wën, aa cï wun guɔ thou, ke tɔ Nhialic jël, bïï ee paan rɛ̈ɛ̈r wek thïn ënɔɔnë. 5#Cäk 12:7; 13:15; 15:18; 17:8. Ku acïn piny cï gäm en ee tënë, piny bï nyäŋ mïthke, acakaa biäk thiin duëërë raan lïïr nɔm acïn këdäŋ: aa jɔ lueel tei an, bï gäm en bï aa këde, ku këde mïthkɛn bï lɔ̈ɔ̈k bɛ̈n ë yecök, ku aa ŋoot ke cïn nɔm meth. 6#Cäk 15:13,14. Acï Nhialic lueel alë an, “Bï mïthke dhil keny paan lei, paan bïï ë keek tɔ ye lïïm thïn, ku ye ke yɔŋ, ë bot kaŋuan ë run. 7#Bɛ̈n 3:12. Ku lueel Nhialic aya an, Jur ë tɔ keek ee lïïm, abä tɔ yök këdɛn tuc: na miäk, ka bïk bɛ̈n bei, bïk a bɛ̈n lam ee tënë.’ 8#Cäk 17:10-14; Cäk 21:2-4; Cäk 25:26; Cäk 29:31–35:18. Gokï löŋ mac an, bï kɔc cueel: go Abraɣam Yithaak dhiëëth, ku jɔ cueel akööl ee kek bɛ̈t, ku dhiëth Yithaak Jakop, ku dhiëth Jakop kuarkuɔn thɛɛr kathiëër ku rou.
9 #
Cäk 37:11;
Cäk 37:28;
Cäk 39:2,21. Na wën, ke kuarkuɔn thɛɛr ke ke dɔm tiɛɛl në Jothep, agokï ɣaac tɔkï leerë Rip: ku tɔ̈u Nhialic kekë yen tei, 10#Cäk 41:39-41. ago luök në ka cï e miɛn ëbɛ̈n, ku gëm dhuëëŋ ku pɛlënɔm ë melik nɔm, yen aaye melik de Rip, ago dɔm abï aa bɛ̈nydït nu ë Rip nɔm ku dhiënde nɔm ëbɛ̈n. 11#Cäk 42:1,2. Na wën, ke cɔk bɔ̈ paan ë Rip ëbɛ̈n ayï paan ë Kanaan, ku bɔ̈ rɛ̈ɛ̈c ee kɔc cuil gup: go kuarkuɔ ciën kë pïïr kek cïk yök. 12Na wën, aa cï Jakop e piŋ nɔn nu rap paan ë Rip, ke kɔn kuarkuɔ tuɔɔc ëtɛ̈ɛ̈n raan tök. 13#Cäk 45:1; Cäk 45:16. Na wën, aa cïk cök aa rou, ke Jothep tɔ rɔt ŋic mïthëkɔcken, go dhiën ë yï Jothep nyuöth melik. 14#Cäk 45:9,10,17,18; Cäk 46:27 (LXX). Na wën, ke Jothep toc kɔc lek Jakop wun cɔɔl, kekë kɔcken kedhie, kɔc kathiërdhorou ku dhïc. 15#Cäk 46:1-7; Cäk 49:33. Go Jakop lɔ Rip, ku thou, yen kekë kuarkuɔ. 16#Cäk 23:3-16; 33:19; 50:7-13; Joc 24:32. Gokï lɛɛr Cekem, lek tääu ë raŋ ɣɔn cïï Abraɣam ɣɔɔc ë wëu tëde wɛ̈ɛ̈t ke Ɣamor raan ë Cekem.
17 #
Bɛ̈n 1:7,8. Na wën, aacï kööl cïï Nhialic mac kekë Abraɣam guɔ thiɔ̈k, ke kɔc ë ke jɔ rɔt ŋuak abïk juëc arëët paan ë Rip. 18Aɣet të cï melik däŋ rɔt jɔt, melik kuc Jothep. 19#Bɛ̈n 1:10,11; Bɛ̈n 1:22. Go jurda luöi ruëëny, yen ee melikë ku jɔ kuarkuɔ cieŋ ë ciɛɛŋ rac an, bï mïthkɛn thii ateteet cuat wïïr, ke ke bï thou. 20Ɣɔn nu melikë, yen aa dhiëëthë Mothe, ke ye mɛnh cï läkëläk, go muk ë pɛ̈i kadiäk paan ë wun: 21#Bɛ̈n 2:3-10. na wën, acï tääu biic, ke jɔt ë nyan ë melik, ago muk ke ye wënde. 22Go Mothe wëët në pɛlënɔm ë kɔc ke Rip ëbɛ̈n, acï aa raan ril ë wël ku luɔi.
23 #
Bɛ̈n 2:11-15. Të cï en run thöl kathiërŋuan, ke jɔ piɔ̈u dɛ luɔi bï en kɔcken neem, kek kɔc ke Yithriɛl. 24Na wën, ke tïŋ raan tök ë keek acï dui ë ɣɔ̈ric ku jɔ luök, go këde raan cï kuöc cieŋ guöör, yup mɛnh ë Rip nɛ̈k. 25Aaye lueel ë yepiɔ̈u nɔn bï kɔcken e ŋic, luɔi bï Nhialic keek kony ë yecin, ku akënkï ŋic. 26Na ɣɔn amiäk, ke yök kɔc kaarou në kɔcken yiic ke ke piɔ̈t kapäc, ku jɔ kɔɔr luɔi bï en keek mɔ̈ɔ̈k an, ‘Wäthii, wek ee kɔc ke raan tök, eeŋö cam wek röt?’ 27Na wën, ke raan wën cï mɛnhkënë cam, ke jiëp Mothe wei an, ‘Nyai! Eeŋa cï yï tɔ ye bɛ̈nyda, bɛ̈ny bï löŋda ya guiir? 28Kɔɔr bä a nɔ̈k ë näŋ ë mony de Rip wäänaköl?’ 29#Bɛ̈n 18:3,4. Go Mothe jɔ kat në ee jamë, le ku rëër paan ë Midian, ago mïthwät dhiëëth kaarou ëtɛ̈ɛ̈n.
30 #
Bɛ̈n 3:1-10. Na wën, aacï run kathiërŋuan thök, ke tunynhial ë Bɛ̈nydït tul tëde yen ë jɔ̈ɔ̈ric jɔ̈ɔ̈r thiääk ke kuur de Thinai, tul ke ye many dɛ̈p ë tim cekic. 31Na wën, aacï Mothe ye tïŋ, ke gäi në kë cï tïŋ: go lɔ tëthiɔ̈k le gɔɔk apiɛth, go röl de Bɛ̈nydït tuöl, ku yöök an: 32‘Yɛn ee Nhialic de kuarkun, Nhialic de Abraɣam, ku Yithaak, ku Jakop.’ Go Mothe lath guöp, ku jɔ riɔ̈ɔ̈c ë daai bï en bɛ daai. 33Go Bɛ̈nydït yɔ̈ɔ̈k an, ‘Bɛ̈ɛ̈iyë war bei ë yïcök: të kɛ̈ɛ̈c yïn ee piny ɣeric ë gɔk. 34Ciɛɛŋ cï kɔckï kuöc cieŋ paan ë Rip acä tïŋ. Ku dhiën ee kek dhiau acä piŋ, ku ja bɛ̈n piny bä ke bɛ̈n luök. Ënɔɔnë bä, yïn bä tuɔɔc Rip.’
35 #
Bɛ̈n 2:14. “Yen Mothe guöp raan wään cïk rɛɛc an, ‘Eeŋa ë tɔ yïn ee bɛ̈ny ë wonïïm, bɛ̈ny bï löŋda guiir?’ Yenguöp acïï Nhialic tooc, bï aa bɛ̈ny bï keek cieŋ, ku kony ke, në tunynhial ë tul tëde yen ë butic. 36#Bɛ̈n 7:3; Bɛ̈n 14:21; Kuɛ̈n 14:33. Yen ë raanë yen aa bïï ke bei, wën cï en göök looi göök bï kɔc ke gäi paan ë Rip, ku Wɛ̈ɛ̈r thith, ku jɔ̈ɔ̈ric ë run kathiërŋuan. 37#Nyöŋ 18:15,18. Yen Motheyë kï, raan wään yöök kɔc ke Yithriɛl an, ‘Tiët tök abïï Bɛ̈nyduöndït Nhialic jat nhial në këdun ë kɔckun yiic, raan cït ɛn,#7:37: cït man cï yen ɛn tooc; nɔn cït ɛn. jamde abäk piŋ.’ 38#Bɛ̈n 19:1–20:17; Nyöŋ 5:1-33. Kënë ee raan wään ë nu në akutnɔm de kɔc ɣɔn cï guëër ë jɔ̈ɔ̈ric, kekë tunynhial ëtök, tuny wään jam ke yen ë kuur ë Thinai nɔm, ku aa nu kekë kuarkuɔ ayadäŋ: ee raan wään cï wël pïïr ke Nhialic nööm, bï ke yiɛ̈n wook.
39Raan wään cï kuarkuɔ këde rɛɛc piŋ, acïk jäp wei, agokï kepiɔ̈ɔ̈th bɛ pɔ̈k Rip. 40#Bɛ̈n 32:1. Agokï Aron yɔ̈ɔ̈k an, ‘Cuɛ̈cë wo yiëth bïk wo wɛ̈t kueer. Na raan cɔl Motheyë, mɛnh wään bïï wook bei ë Rip, kë cï tïc tëde yen akucku.’ 41#Bɛ̈n 32:2-6. Gokï dau cuëëc ë aköölkë, tɔkï ye yanhden, ku nɛ̈kkï käŋ, ku mitkï piɔ̈ɔ̈th në kë cïk cuëëc ë kecin. 42#Amo 5:25-27 (LXX). Na wën, ke Nhialic yɛl rɔt wei, ku pɛ̈l keek bïk rem de kuɛl nhial aa lam, acït man cï këcïgɔ̈ɔ̈r de tït e lueel an:
‘Wek baai de Yithriɛl! Acie Yɛn ë
yak näk läi ku tëmkï ke röt Ɛn
ë jɔ̈ɔ̈ric në run kathiërŋuan?
43Aa ye paany de yanh cɔl Molek yen ë ɣääckï,
ku damkï kuel de yanhduön Repan,
ka cäk cuëëc ayek yiëth bäk ke aa lam.
Ku ënɔɔnë, we bä lɛɛr ë Babilon baŋ tui.’
44 #
Bɛ̈n 25:9,40. “Kuarkuɔ aake ye cath në paany de cäätɔ ë jɔ̈ɔ̈ric, acït man cï Nhialic e lueel, wään yöök en Mothe an, bï dhil looi cït man ë këde cuɛ̈c cï tïŋ. 45#Joc 3:14-17. Na wën, ke kuarkuɔn ë bɔ̈ ë kecök ke ke löök paany bɛ̈ɛ̈i në Jocua ɣɔn peec kek piny de juöör cïï Nhialic ciɛɛc wei ë kuarkuɔ nïïm, ago tɔ̈u aɣet cï akööl ke Debid, 46#2 Tham 7:1-16; 1 Lëk 17:1-14. raan nu ë Nhialic piɔ̈u, ku aa de piɔ̈u luɔi bï en luak yïk luaŋ bï Nhialic de Jakop rëër thïn.#7:46: Nhialic de Jakop; këcïgɔ̈ɔ̈r däŋ ade yic kɔc ke Yithriɛl. 47#1 Mel 6:1-38; 2 Lëk 3:1-17. Ku Tholomon yen aa yïk En luak.
48“Ku Awärjäŋ acie rëër ë luëk yiic tei, luëk cï yïk ë kɔc cin, acït nɔn cï ë tiët ye lueel an,
49 #
Yith 66:1,2. ‘Kë lueel Bɛ̈nydït kï an paannhial yen aye thöönydï,
Ku piny yen aye kën aa yɛn acök dhɔ̈ɔ̈r:
Ee ɣönou bäk yiëk ɛn?
Ku të duɛ̈ɛ̈r ɛn lɔŋ thïn akou?
50Cie ciindï yen ë cuëc ee kakë kedhie?’
51 #
Yith 63:10. Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya. 52Eeŋa ë tït yiic raan kënë kuarkun yɔŋ guöp? Ku acïk kɔc nɔ̈k kɔc wään nyuth keek tueŋ në bɛ̈n ë Raan piɛthpiɔ̈u, raan cäk guɔ nyiɛɛn, ënɔɔnë ku kuörkï abï thou. 53Wek kɔc cï yiɛ̈n löŋ në guiɛɛk cï tuucnhial e guik, ku rɛɛckï döt ë muk!”
Biöök de Thepano
54Na wën, aa cïk kake piŋ, ke ke guutë piɔ̈ɔ̈th, agokï kelec reem ë yenɔm. 55Go Thepano, wën cï en thiäŋ ke Wëidït ɣer, go tënhial toomic ë daai, ku tïŋ dhuëëŋ de Nhialic, ku tïŋ Yecu ke kääc ë baŋ cuëny de Nhialic. 56Go lueel an, “Tiëŋkï, paannhial a wɔi acï yeyic liep, ku wɔi Wën ë Raan ke kääc ë baŋ cuëny de Nhialic!”
57Gokï cööt ë röl dït, ku kumkï keyïth, gokï Thepano bäk raantök, 58ku cuɛtkï biic ë pänydït këc, ku biöökë ë kur, ku tɛ̈ɛ̈u cäätɔɔ lupɔɔken piny ë dhuŋ cɔl Thaulo cök. 59Gokï Thepano biöök ë kur, ke cöt, lueel an, “Bɛ̈nydït Yecu, loor wëikï!” 60Go emiɔl tuk, ku cööt ë röl dït an, “Bɛ̈nydït, du kërɛɛc deer ë keyiëth!” Na wën, aacï kënë lueel, ke thou.
Արդեն Ընտրված.
Luɔi 7: dip-JPB
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
The Bible in Jieeng de Padang © The Bible Society in South Sudan, 2011.