創世記 5

亞當个後代

(歷代志上 1:1-4)

1這係亞當後代个族譜。 (上帝創造人个時，係照上帝个樣式造佢。 2佢創造佢等，有男有女。佢等受造个時，上帝賜福給佢等，將佢等安做「人」。) 3亞當一百三十歲个時，𫱔一個孻仔，形像、樣式㧯佢自家盡相像，就㧯佢安到塞特。 4亞當𫱔塞特以後，還在世八百年，又生養子女。 5亞當食到九百三十歲正過身。

6 塞特一百零五歲个時，𫱔以挪士。 7塞特𫱔以挪士以後，還在世八百零七年，又生養子女。 8塞特食到九百一十二歲正過身。

9 以挪士九十歲个時，𫱔該南。 10以挪士𫱔該南以後，還在世八百一十五年，又生養子女。 11以挪士食到九百零五歲正過身。

12 該南七十歲个時，𫱔瑪勒列。 13該南𫱔瑪勒列以後，還在世八百四十年，又生養子女。 14該南食到九百一十歲正過身。

15 瑪勒列六十五歲个時，𫱔雅列。 16瑪勒列𫱔雅列以後，還在世八百三十年，又生養子女。 17瑪勒列食到八百九十五歲正過身。

18 雅列一百六十二歲个時，𫱔以諾。 19雅列𫱔以諾以後，還在世八百年，又生養子女。 20雅列食到九百六十二歲正過身。

21 以諾六十五歲个時，𫱔瑪土撒拉。 22以諾𫱔瑪土撒拉以後，㧯上帝同行三百年，又生養子女。 23以諾在世食到三百六十五歲。 24以諾㧯上帝共下行，以後上帝將佢帶走，佢就無在了。

25 瑪土撒拉一百八十七歲个時，𫱔拉麥。 26瑪土撒拉𫱔拉麥以後，還在世七百八十二年，又生養子女。 27瑪土撒拉食到九百六十九歲正過身。

28 拉麥一百八十二歲个時，𫱔一個孻仔， 29㧯佢安到挪亞#5:29 「挪亞」有「安慰」个意思。，講：「因為上主咒詛土地，俾𠊎等勞碌耕種，這個孻仔會俾𠊎等在辛苦中得到安慰。」 30拉麥𫱔挪亞以後，還在世五百九十五年，又生養子女。 31拉麥食到七百七十七歲正過身。

32 挪亞五百歲个時，𫱔閃、含㧯雅弗。

Արդեն Ընտրված.

創世記 5: THV12Hdb

Ընդգծել

Կիսվել

Պատճենել

Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք

Աստվածաշնչի հայտնի հատվածներ
創世記 5
-ից