Աստվածաշնչի հայտնի հատվածներ Jon 6-ից

Կիսվել

Jisösnöŋ mi möta jiyök, “Nöŋön malmal köhöikŋaŋgö neneŋi akzal. Kunŋan nöŋgöreŋ kazawi, yaŋön nem timbireŋ aka wösöŋi nalö kunöŋ qahö alma. Kunŋan ni möt narim niŋgimakzawi, yaŋön ogöra qahö kömuma.

“Uŋa Töröŋi yaŋön ambazip mem gulim eŋgimakza. Iŋini gölme ambinöhök ahuba busuŋinambuk akzemö, ahuahu dölökŋe qahö ahuba nanŋini ösumŋinan öne letota Suepkö buŋa ahak mi qahöpmahöp. Uŋa Töröŋan malmal köhöikŋi eŋgizawi, nöŋön keu kötŋi mi jim tuaribi möta malget.

Nene ayapkömawi, mi miwikŋaibingöra urukönöp kude aka malmemö, urugö neneŋan malmal köhöikŋi eŋgimakzawi, mönö mia buŋa qem aŋgubingöra kapaŋ köla malme. Iwi Anutunöŋ muŋgem silimbanŋi Suep gölmegö Azi Ölŋi waŋgiiga kukösumŋan walöŋniga ölöp urugö nene eŋgiiga oyaeŋkoyaeŋ akŋe. Mewö aka mal köhöiba kömumba toroqeba teteköŋi qahö malme.”

“Iwinaŋgö jitsihitŋan kewö ahöza: Tosatŋan Nahönŋi eka möt narim waŋgizei, yeŋön körek nalö kewöŋe letota malmal köhöikŋi buŋa qem aŋguba malme. Mewö mal kömugetka nöŋön i nalö ketaŋi miaŋgöreŋ eŋgömindiba mem gulim eŋgimam.”

Qesim waŋgigetka kewö meleŋnök, “Anutunöŋ azi melaim waŋgiyöhi, iŋini i möt narim waŋgiba malme. Ahakmeme miaŋön mönö Anutu sihimŋaŋgö dop akza.”

Aka töndup Iwinöŋ ambazip tosatŋi niŋgimakzawi, yeŋön mönö körek nöŋgöreŋ kame. Kunŋan nöŋgöreŋ kamawi, nöŋön mönö i qahö yakörimam.

Mewö jiiga Saimon Pitönöŋ meleŋnök, “O Kembu, nini mönö dagöreŋ anbinak? Malmal köhöikŋaŋgö Buŋa keuŋi mi mönö göhöreŋ ahöza.

“Nene beret malmalŋambuk Suepnöhök eröhi, mi nöŋön akzal. Kunŋan nene mi nemba malmawi, yaŋön mönö teteköŋi qahö köhöiba malma. Nene waŋgiba malmami, mi nöŋgö busuni. Gölmeŋi gölmeŋi yeŋön köhöiba malmegöra mi al eŋgimam.”

Iwi ni melaim niŋgiyöhi, yaŋön ambazip qahö öröm eŋgiza ewö, eŋgöreŋök kunŋan nöŋgöreŋ kamamgö osima. Öröi kabawak ewö, nöŋön i mönö nalö ketaŋe eŋgömindiba mem gulim waŋgimam.

Anutugö nene beret mi mönö Suepnöhök eta asuhuba gölme dop ambazip malmal köhöikŋi eŋgimakza.”

“Nöŋön malmal köhöikŋaŋgö nene ölŋi akzal.

Eta tatketka Jisösnöŋ beret mi memba saiwap jiba ambazip tatkeri, mendeŋda eŋgiyök aka söra mi mewöyök mendeŋda sihimŋinan jigeraŋgö dop eŋgiyök. Mendeŋda eŋgiiga nemba nem timbireŋ aketka Jisösnöŋ gwarekurupŋi kewö jii mötket, “Nene kitipŋi ayuhubapuköra mi mönö qezaköget.”

Öŋgöba eriga lökuatnöŋ qeba naŋgöba 5 me 6 kilomita miaŋgö dop angetka Jisösnöŋ o aŋgö qakŋe tiba tiba waŋge kösutŋe kaiga eka auruba keŋgötporiŋ aket. Mewö mötketka kewö jii mötket, “Nanak kazal. Keŋgötŋini kude mötme.”