Աստվածաշնչի հայտնի հատվածներ Jon 12-ից

Կիսվել

Kunŋan ni welen qem niŋgimamgö jizawi, yaŋön mönö ni nuataŋgöba mali dop kölma. Weleni qemakzawi, mönö ni anda kaba malmamaŋgöreŋ mewöyök nömbuk malma. Kunŋan nömbuk mala weleni qem niŋgimakzawi, Iwinöŋ mönö i göda qem waŋgii malma.” Mewö.

“Miaŋgö dop denike yeŋön malmalŋini nanŋinaŋgöra aŋgön köla nanŋini imbi-imbi siyoŋsayoŋi qahö malbingö ak eŋgimakzawi, yeŋgö malmalŋinan mönö sohoma. Mewö sohomapmö, kunŋan kun nanŋi malmalŋi göragöra ala nia jegep al niŋgimawi, yaŋön mönö malmal ölŋi öndölböndölŋambuk miwikŋaiba köhöiba teteköŋi qahö mal öŋgöma.

Nöŋön kömupnaŋgö söpsöp keu öl töhönŋi kun kewö jibi mötket: Sehoŋ kötŋi gölmenöŋ qahö geba julma ewö, mönö öne miyök ahöma. Mewö öne ahömapmö, geba julma ewö, korapŋan mönö jula öndölböndöl wahöri ölŋi gwötpuk söhöma.

Ambazip kun ni möt narim niŋgizawaŋön mönö söŋaupnöŋ qekötahöba malbapuk. Miaŋgöra nöŋön eta asuhuba gölmeŋi gölmeŋi eŋgö asakŋina aka maljal.

“Nöŋön eta asuhuba gölmeŋi gölmeŋi eŋgö keuŋini jim tekömamgöra aka qahö kayalmö, ambazip gölme dop amöt qem eŋgibiga nalö kewöŋe letota Suepkö buŋaya akŋegöra aka kayala maljal. Miaŋgöra ambazip nöŋgö Buŋa keuni möta qahö tem köla wuataŋgömakzei ewö, nöŋön yeŋgö keuŋini qahö jim tekömam.

Mewö tatketka Marianöŋ kelök kirin kun lömbötŋi 500 gram mi memba Jisösgöreŋ kayök. Kirin mi o umköhöwakŋambuk ölŋi qetŋi nad bohonŋi öŋgöŋgöŋi ketaŋi miaŋön kokolak qeqeŋa. Yaŋön mi memba kaba simin köla Jisös könaŋe mimbiliba miriba nöröp jupŋan kereŋ meyök. Mewö aiga miri uruŋe tatkeri, mi ogö wörönŋan pukpuköba dop köla ahöiga mötket.

Keu mewö möta umji böröŋi memba könanöŋ miwikŋaibingö anda kewö jiba qetket, “Hosana, owe owe! Anutu möpöseizin. Kembugö qetŋe kamawi, Anutunöŋ mönö kötuetköma! Israel neŋgö Kiŋ Kembunini owe owe!”

Keu mi möta meleŋda kewö jiyök, “Suepkö asakmararaŋan Suep gölmegö Azi Ölŋi yaŋgöreŋ kunbuk asuhum kutuiga asarimawi, miaŋgö nalöŋan mönö töriza.