Աստվածաշնչի հայտնի հատվածներ Jon 10-ից

Կիսվել

Yoŋgorö meme yeŋön wuanöŋgöra kamakze? Yeŋön yoŋgorö memba neŋguba ayuhum neŋgibingöra kamakze. Yuai murutŋi akingöra qahö. Nöŋön mewö qahö akzal. Nöŋön iŋini malmal köhöikŋi miwikŋaiba oyaeŋkoyaeŋ aka malmegöra kaba maljal.

“Nöŋön lama galöm ölöpŋi akzal. Lama galöm ölöpŋan mönö lamaurupŋi yeŋgöra aka malmalŋi köleŋda eŋgima.

“Nöŋön mönö lamaurupni möt eŋgibiga yeŋön mewöyök nöŋgö keu jölni möta ni nuataŋgömakze.

Nöŋön malmal köhöikŋi eŋgibiga letota nalö kunöŋ qahö kötökŋi ayuhume. Kunŋan kun i nöŋgö böröneyök qahö öröba köndeŋ eŋgima.

“Nöŋön mohot lama tohoŋgö naŋguŋi akzal. Denike eŋön Anutubuk köhöiba malbingö jiba nömbuk qekötahöba maljei, nöŋön mönö amöt qem eŋgibiga letotme. Mewö aka lama tohoŋ uruŋe öŋgöba eta yaigep anda nene gölmeŋi möriamŋambuk miwikŋaimakŋe.

“Nöŋön lama galöm ölöpŋi akzal. Iwinan ni möt niŋgiiga nöŋön Iwini möt waŋgiba maljal. Miaŋgö dop nöŋön nani lamaurupni möt eŋgibiga yeŋön ni möt niŋgimakze. Nöŋön malmalni lamaurupni eŋgöra aka köleŋda mosötmam.

Nöŋgö Iwinan i nöŋgö böröne al eŋgiyöhi, yaŋön körek eŋgoŋgita öŋgöŋgöŋi ketaŋi akza. Miaŋgöra körekŋan i nöŋgö Iwinaŋgö böröŋeyök öröba köndeŋ eŋgibingö osime. Ni aka Iwi netkön mönö mohot aka maljit.”

“Nöŋön lama galöm ölöpŋi akzal. Iwinan ni möt niŋgiiga nöŋön Iwini möt waŋgiba maljal. Miaŋgö dop nöŋön nani lamaurupni möt eŋgibiga yeŋön ni möt niŋgimakze. Nöŋön malmalni lamaurupni eŋgöra aka köleŋda mosötmam.

Malmalni kunŋan qahö noaŋgitmapmö, mi nanak köleŋda mosötmam. Iwinan jim kutum niŋgiiga nanak malmalni köleŋda mosötmam aka miaŋgö andöŋe kunbuk guliba mal öŋgömam. Kukösum mewöŋi mi nöŋgöreŋ ahöza.”

Köŋkuŋ qegetka toroqeba eŋgöra kewö jiyök, “Nöŋön keu öl töhönŋi kun kewö jibi mötket: Nöŋön lama tohoŋgö naŋguŋi akzal.

Kunŋan lama toŋi qahö aka bohon memegörök kaba laŋ galöm köl eŋgimakzawi, mi kewö: Kiam kalŋan kaiga eka lamaurup eŋgömosöta unjurata aniga kiam kalŋan lama eŋgöhöba kiom eŋguba mendeŋ eŋgima.

Jisösnöŋ galöm meme keu kewö jiyök, “Nöŋön keu öl töhönŋi kun kewö jibi mötket: Tosatŋan lama tohoŋ uruŋe öŋgöbingöra naŋgunöhök qahöpmö, sel walöŋda gezei, yeŋön mönö kegwek aka yoŋgorö meme ambazip akze.