Աստվածաշնչի հայտնի հատվածներ Čơdơ̆ng Phŭn 9-ից

Կիսվել

Laih anŭn Yahweh Ơi Adai laĭ, “Anai jing sa gru kơnăl kơ tơlơi pơgop Kâo pơjing laih tŏng krah Kâo hăng ƀing gih laih anŭn hăng abih bang djuai hơdip dŏ hrŏm hăng ƀing gih kơ abih bang kơnung djuai gih pơanăp: Kâo pioh mrŏt Kâo amăng khul kơthul, jing sa gru kơnăl kơ tơlơi pơgop tŏng krah Kâo hăng lŏn tơnah yơh.

Tơdang mrŏt anŭn pơƀuh rai amăng khul kơthul, Kâo či lăng ƀơi ñu laih anŭn hơdơr glaĭ tơlơi pơgop hlŏng lar tŏng krah Kâo hăng abih bang djuai hơdip hơmâo čơđeh asar ƀơi lŏn tơnah yơh.”

“Hlơi pô pơdjai hĭ sa čô mơnuih, ñu anŭn či djai hĭ yua mơ̆ng mơnuih mơ̆n; yuakơ hrup hăng Ñu pô yơh, Ơi Adai hơmâo hrih pơjing laih mơnuih mơnam.

Ơi Adai bơni hiam kơ Noah laih anŭn kơ ƀing ană ñu tui anai, “Hơmâo brơi lu ană bă bĕ, tui anŭn kơnung djuai gih či lar hyu djŏp amăng lŏn tơnah.

Rĭm hlô pơpư̆ hơdip anŭn či jing gơnam ƀơ̆ng kơ ƀing gih laih anŭn kar hăng Kâo brơi laih kơ ƀing gih hơdôm añăm tăm; Kâo brơi kơ ƀing gih djŏp mơta.

Abih bang hơdôm hlô mơnơ̆ng prŏng laih anŭn anet, čim brĭm laih anŭn mơnơ̆ng mơnuă amăng ia či huĭ hyưt kơ ƀing gih yơh. Abih bang gơñu anŭn Kâo hơmâo jao laih gah yŭ kơ tơlơi dưi gih.

“Bơ kơ gih pô, ƀing gih hơmâo lu ană bă bĕ, tui anŭn kơnung djuai gih či hơdip ƀơi djŏp lŏn tơnah yơh.”