Աստվածաշնչի հայտնի հատվածներ Čơdơ̆ng Phŭn 3-ից

Կիսվել

Tui anŭn, tơdang đah kơmơi anŭn ƀuh phŭn kơyâo anŭn hiam mơak kơ mơta lăng laih anŭn jơma̱n yơh kiăng kơ ƀơ̆ng, laih dơ̆ng ñu ăt pơmĭn boh kơyâo anŭn či ngă brơi kơ mơnuih jing rơgơi mơ̆n. Tui anŭn, ñu pĕ boh kơyâo anŭn hăng ƀơ̆ng hĭ yơh. Giŏng anŭn, ñu brơi ƀiă kơ rơkơi ñu, gơ̆ ăt ƀơ̆ng mơ̆n.

Hlak anai ala jing sa hlô mơnơ̆ng thâo pơčeh biă mă amăng hơdôm hlô mơnơ̆ng Ơi Adai hơmâo hrih pơjing laih. Ala tơña kơ đah kơmơi, “Djơ̆ mơ̆ Ơi Adai laĭ: Ƀing gih ƀu dưi ƀơ̆ng boh čroh mơ̆ng djŏp kơyâo amăng đang ôh hă?”

Kâo či ngă brơi kơ ŏng laih anŭn đah kơmơi anŭn pơrơmut kơ tơdruă; kơnung djuai ñu hăng kơnung djuai ŏng či jing hĭ rŏh ayăt nanao yơh; ñu či pơrơka hĭ akŏ ŏng laih anŭn ŏng či kĕ kơđŭl tơkai ñu yơh.”

Laih anŭn Ñu pơhiăp kơ đah kơmơi anŭn, “Kâo či thim đĭ tơlơi tơnap ih amăng tơlơi pi kian; amăng tơlơi ruă nuă yơh ih či hơmâo rai ană bă. Kơđai glaĭ, tơlơi amoaih kluh ih či pơđi̱ng nao kơ rơkơi ih yơh, laih anŭn ñu yơh či git gai ih.”

Ih khŏm či mă bruă gleh hăng ƀlĕ ia hâŏ kiăng kơ lŏn hơmâo rai djŏp mơta, tơl ih djai, ih či wơ̆t glaĭ kơ ƀruih lŏn jing anih hơmâo rai ih yơh. Ih hơmâo hrih pơjing rai mơ̆ng ƀruih lŏn, laih anŭn ih ăt či wơ̆t glaĭ pơ ƀruih lŏn mơ̆n.”

Laih anŭn Ñu pơhiăp kơ mơnuih, “Yuakơ ih hơmâo hơmư̆ tui hiăp bơnai ih hăng hơmâo ƀơ̆ng hĭ laih boh kơyâo Kâo hơmâo khă laih ƀu brơi kơ ih ƀơ̆ng anŭn, hơnŭn yơh lŏn tơnah či dŏ amăng tơlơi hơtŏm păh yuakơ ih yơh. Ih či mă bruă gleh glan amăng abih tơlơi hơdip ih kiăng kơ ngă kơ lŏn anŭn pơtơbiă rai gơnam ƀơ̆ng kơ ih.

Ơi Adai tơña, “Hlơi pô laĭ brơi kơ ih thâo ih dŏ mơhlŭn lĕ? Ih hơmâo ƀơ̆ng boh kơyâo Kâo khă ƀu brơi ƀơ̆ng anŭn hă?”

Ơi Adai puh pơđuaĭ hĭ mơnuih, laih anŭn ƀơi gah ngŏ̱ kơ Đang Iden Ñu pioh ƀing ling jang gak hăng sa ƀĕ đao apui mơñar dar hyu amăng djŏp anăp kiăng kơ pơgăn hĭ hlơi pô kiăng nao pơ kơyâo tơlơi hơdip.

Mơnuih anŭn anăn Adam pơanăn bơnai ñu HʼEwơ, yuakơ gơ̆ či jing amĭ kơ abih bang mơnuih mơnam hơdip.