Աստվածաշնչի հայտնի հատվածներ Čơdơ̆ng Phŭn 18-ից

Կիսվել

Hơmâo mơ̆ tơlơi tơnap đơi tơl Yahweh ƀu dưi ngă ôh? Kar hăng Kâo hơmâo laĭ laih, Kâo či wơ̆t glaĭ kơ ih amăng thŭn pơanăp ƀơi mông Kâo hơmâo pơkơčah laih, laih anŭn HʼSarah či hơmâo sa čô ană đah rơkơi yơh.”

Tui anŭn, HʼSarah klao kơ ñu pô hăng laĭ, “Ră anai kâo tha laih anŭn ƀu ai dơ̆ng tah, kâo ăt dŏ hơmâo tơlơi mơak anŭn mơ̆n hă? Laih dơ̆ng rơkơi kâo ăt tha laih mơ̆n.”

Sĭt yơh Abraham či jing sa kơnung djuai prŏng kơtang, laih anŭn Kâo či bơni hiam kơ abih bang kơnung djuai ƀơi lŏn tơnah mơ̆ng gơ̆ yơh.

Giŏng anŭn, Abraham rai jĕ Yahweh hăng tơña, “Ih či nao pơrai biă mă hă ƀing tơpă hơnơ̆ng wơ̆t hăng ƀing soh sat? Tơdah hơmâo rơmapluh čô mơnuih tơpă hơnơ̆ng amăng plei anŭn, ih ăt či pơrai hĭ plei anŭn mơ̆? Ih ƀu pap brơi kơ anih anŭn yuakơ kiăng pơklaih hĭ rơmapluh čô anŭn ôh hă?

Yahweh laĭ glaĭ, “Tơdah Kâo hơduah hơmâo rơmapluh čô tơpă hơnơ̆ng amăng Sedôm, Kâo ƀu či pơrai hĭ ôh yuakơ ƀing gơñu anai.”