Աստվածաշնչի հայտնի հատվածներ Čơdơ̆ng Phŭn 13-ից

Կիսվել

Kâo či brơi kơ ih laih anŭn kơ ƀing kơnung djuai ih abih bang anih lŏn ih hơmâo ƀuh laih anŭn, jing anih lŏn kơ ƀing ih hlŏng lar.

Laih kơ Lot đuaĭ laih mơ̆ng Abram, Yahweh pơhiăp hăng Abram, “Angak đĭ mơta ih bĕ mơ̆ng anih ih dŏ hăng lăng nao bĕ pơ gah dư̱r laih anŭn gah thu̱ng, gah ngŏ̱ laih anŭn gah yŭ̱.

Kâo či ngă brơi kơ kơnung djuai ih lu kar hăng ƀruih lŏn amăng lŏn tơnah. Tui anŭn, tơdah hlơi pô dưi yap ƀruih lŏn, anŭn kăh dưi yap abih bang kơnung djuai ih.

Tui anŭn, Abram laĭ kơ Lot, “Ƀing ta jing kơnung djuai laih anŭn ƀing ding kơna ih hăng ƀing ding kơna kâo ƀu năng ôh pơrơsua hăng tơdruă.

Laih anŭn Abram pơđuaĭ hĭ khul sang khăn ñu hăng nao dŏ jĕ anih khul kơyâo rơgoh hiam lŏm kơ sa čô anăn Mamre ƀơi plei Hebrôn, pơ anŭn yơh ñu pơdơ̆ng đĭ sa kơnưl ngă yang kơ Yahweh.

Lot angak đĭ lăng jum dar hăng ƀuh abih bang anih amăng dơnung tơhnă̱ Yurdan hlŏng truh kơ anih Zôar, jing anih hơmâo lu ia kar hăng Đang Ơi Adai ƀôdah kar hăng lŏn pơ čar Êjip. (Tơlơi anai jing hlâo kơ Yahweh pơrai hĭ dua boh plei Sedôm laih anŭn Gomôrrah.)