Աստվածաշնչի հայտնի հատվածներ Matthieu 5-ից

Կիսվել

Doo unde por tu lampe’t tede le sebe debe dè’t lé. Nè à naan tà kagenn’t dɔ kade unju ade njé ke kêm kei malang an-in loo. Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Sei sei lookar le dooge ke dè nang nè. Ɓee-bò ke tò dè mbal’t dɔ nga asekum ɓɔyɔ ra’n lé.

Njé ke nganrankêm de unju nyang-nyang nga, ra de à nel de tede d’a d’an Nube se kum de ndan-ndan!

Njé ke ngur nyanra ke se dè naje’n ra de pênn-pênn asenan se kunde mann éké ɓo ke ra de nga, ra de à nel de tede kêm de à ndann ɓai!

Nè man m’ede sei ndàt, i tári njébange le si a, ɔji tà se Nube tede njé ke ɔri sei kororoi a tɔ.

– Njé ke geri kêm de’t titeke ei njéndooge nga, ra de à nel de tede konɓee ke danran è le de!

Njé ke d’ade made dege ingei kêmlom nga, ra de à nel de tede è dé kuwe á d’a ɓar de ngann Nubege!

Njé ke ndii se kumndoo yo nga, ra de à nel de tede Nube à gɔl kêm de ɓai!

Njé ke dé ra kum de ndoo tede nyanra de ke dè se naje’n nga, ra de à nel de tede è de kuwe á Konɓee ke danran è le de!

Njé ke an-in kumndoo le made dege nga, ra de à nel de tede Nube à an kumtondoo le de tɔ!

Loo ke dooge à taji sei a, a rai kum si ndoo a, a teti tàge ke majelé gai-gai kundei tà si’t tede k’ee ke sei njékuwe-girmge nga ɓaa, adi ra si nel sei. I rai ranel a, ali ra si se kêmnda káng tede nyan kuge dè ji si è ngain dɔ danran. Njéribe-dè-tàge ke tà Nube’t ke kété non si’t nga géa, ndɔ ke dé ra kum de ndoo titeke dé ra’n kum si ndoo bè tɔ.

Njé ke awi lom-lom nga, ra de à nel de tede Nube à ade de Konɓee ke danran ke nyan-ndube le de!

Sei sei kate le dooge ke dè nang nè. Ke nè á kate ke don tel bɔlɔs ɓaa, ké ri á d’a ra’n kade tel don gugu wa? Nyan ke le ra’n ke rang goto, nè d’a kunn kum nata kade dooge njiyei dè’t.

I maji ɔri njêt titeke Bɔ si ke ndi danran ee’n njè maje kɔr njêt nga tɔ.

Ke nè á tà le si è oiyo ɓaa, è oiyo. Ke nè á tà le si è ḿ-m̀ ɓaa, i tami go karé edi nè ḿ-m̀. Tà ke rang ke i tami ilei dè made’t nga in ra njèkêmyêr’t.

Sei ooi titeke dé tam kété mari d’ede nè: «Kum karé kum gute kum karé’t, gɔge karé kum gute gɔge karé’t.» Man m’ede sei ndàt, doo ke ndige ra se si majelé nga, ilei rɔ adii lé. Loo ke doo karé unde mbɔri ke kon ɓaa, i tur è ke karé rang ade’n unde tɔ.

Ke nè á kumi ke kon ade i ra kaiya ɓaa, uwe’n ɔr’n ile’n piring kɔke. Kade balkum rai karé udu è soo’t dum kile danrai bere mbak dann loo ke tur’t ke kure nyanrai à ɔde kumi tutu labi-labi. Ke nè á jikoin ade i ra kaiya ɓaa, i tuge’n i gang’n ile’n piring kɔke. Kade balkum rai karé udu è soo’t dum kade d’ile danrai bere mbak dann loo ke tur ke kure nyanrai à ɔde kumi tutu labi-labi.