Աստվածաշնչի հայտնի հատվածներ Hechos 5-ից

Կիսվել

Jatian wetsa joi yoiti raanabo betan Pedron neskáa iki: —Nonbiribira jonibo akamatianbi, Diospari non joi ninkáxonai.

Netetiibi, Dios rabiti xobo meranxon itan jaton xobonkoxonboribi, ja Jesús riki Cristo iki iká jakon joibo jato onanmakin, itan jato yoikin jeneyamakana iki.

Jaskáaketian, Pedron yoia iki: —Ananías, ¿Jaweatiki Satanás min shinan meran min jikimaa? Minbira shinanke, jatíribi koríki bitaanan, jawetiires menixon, ja Diossen Shinan min paranti. Ja mai, itan ja min mai maroa koríkibora iká iki mina, ¿Jaweakiki iká mia jaskati? Minra jonibo paranyamake, Diosra min paranke —akin. Jaskáakin yoia ninkátaananbi, Ananías mawá paketa iki. Jaskáketian ninkatax, jatikaxbi ikonbires rakékana iki.

Jakopíra en mato yoia, nato jonibo moa meeyamakin jenekanwe akin, nato jawékira jonin shinanmanres ikai ikax, keyóresti iki. Ikaxbi, Diossena ikenra, maton keyotima iki. Koirameekanwe matora Dios betan reteananires inake —akin. Jato jaskáa jabaon joi ninkáxonkana iki.