Աստվածաշնչի հայտնի հատվածներ Hechos 2-ից

Կիսվել

Jatian Pedron jato yoia iki: —Maton jakonma shinanbo akonkin jenetaanan, Criston janenko bautizameekanwe, maton ocha akábo moa Diossen mato shinanxonyamanon, jatianra jawen Shinan mato jan meniti iki.

Jaskataxa, ja raana jonibaon jato esé onanmaa keskatibo jaai jenéyamakana iki. Ja rarebobires keska shinanmeekin, tsinkíxonbo Criston yora shinankin jawékiakatikanai, itan orankinribi jeneyamakatikanai.

Jatianra jatikaxbi moa Diossen Shinan bochóya ikana iki, jaskataxa wetsa joibaon yoyo iki peokookana iki, ja Diossen Shinanman jato yoyo imai keskatibo.

Jaskákenbira, koshi niweaba beai keskati, naikanmeax ratéresi koshin riri iki jain ikana xobo meran nabetseeta iki. Jaskataitian oinkana, jana jisá chii tiri keská mayakayabo jatotiibi iiakebaina iki. Jatianra jatikaxbi moa Diossen Shinan bochóya ikana iki, jaskataxa wetsa joibaon yoyo iki peokookana iki, ja Diossen Shinanman jato yoyo imai keskatibo.

Netetiibi Dios rabiti xobonko tsinkiti jenéyamakana iki, jawékiatiboribi xobonko bexon, raroshaman, itan jakonshaman shinanyaxon, jatíxonbi jawékiakatikanai. Jatíxonbiribi Dios rabikatikanai. Jaskákanaitian, jatíbi jonibaon jatoki jakon shinankana iki. Jainxon netetiibi non Ibon ja kishpinmeeta jonibo jato kaimaboa iki.

‘Dios iká iki, nete senenaitianra, nokon Shinan en jatíbi joniboki pakenoxiki; jatianra, ja maton bake benbobo, itan maton bake ainbobo nokon Shinanman yoyo inoxikanai. Maton bake ranonbaonra namá keska meranbo oinnoxikanai. Maton yosibaonra, oxaxon namá meranbo oinnoxikanai.

Jatíbi ja joi akaibora, senenbires jakon shinanya ikax, jaton jayata jawékibaon akinanankana iki. Jaton maibo, itan jaton jawékinin maroaxbora, jato maxkata jawékininbo akinanankatikanai.

Ikaxbi jaweratobaonki akinnon ixon, ja non Ibo yokatai, jabora kishpinnoxikanai’, iki.

Barira nokanoxiki, oxera jimi keska inóxiki, ja non Ibon jaton akábo yoixonti ani nete senenamatianbira, jaskarabo inóxiki.