Աստվածաշնչի հայտնի հատվածներ Mateu 13-ից

Կիսվել

Maꞌato mekewat iãꞌỹi hewo yi wakuat rotiaria ti tukupteꞌen aikotã miitꞌin ikuap Tupana ehay hawyi topyhuꞌat iꞌe hap ewy. Miꞌiria ti aikotã haat kahato rakaria ewy tukupteꞌen. Wẽtup kaipyi 100 toipuẽti hap ewy wẽtup ok kaipyi 60 hap saꞌawyꞌi wuat imikoi kai hap ewy hawyi iraniaꞌin 30 iãꞌỹi hap ewy toipuẽti saꞌawyꞌi wuat imikoi kai.

Maꞌato iraniaꞌin wyti tukupteꞌen teꞌerepomohepapꞌi mesuwat rotiat taꞌatuekat puẽti hamuat ete yn. Miꞌi haria ti aikotã mikoi iãꞌỹi yt haat i rakaria ewy wuaria tukupteꞌen.

Pyno mekewat iãꞌỹi muap upiat hewo muap ẽpe upiat hewo rakat ewy wuat wyti karãpe miitꞌin teꞌeruwanetup Tupana ehay kape wen maꞌato yt toikuap i. Miꞌi ti aikotã muap ẽpe upiat iãꞌỹi ewy topyhuꞌat katupono miꞌi ti karãpe yt nakuap i putꞌok e raꞌyn hawyi toihep taꞌyn ipyꞌa pyi iãꞌỹi hap ewy e.

Maꞌato mekewat iãꞌỹi misytpok wyti iraniaꞌin hewo nu tote neꞌi. Miꞌi wyti aikotã iraniaꞌin teꞌeruwanetup Tupana ehay kape hawyi meremo toikuap hawyi iwepiit kahato raꞌyn. Maꞌato miꞌi ti aikotã yt hapo i rakat ewy topyhuꞌat. Karãpe sehay yt naku i hap putꞌok e raꞌyn imosoꞌopot hap miꞌi hap eꞌat pe meremo toiwaure raꞌyn saꞌawyꞌi wuat imohey hap.

Uiꞌywot etama piat ieineꞌen hanuaria ti aikotã sekat toineꞌen. Aikotã wẽtup ok tipuẽti hekat go yt iwat i rakat pe. Toipuẽti hawyi toterewyi iraꞌyn aikope tomipuẽti hap tote. Miꞌi hawyi meremo toto raꞌyn toꞌyat kape yne tekareꞌen koꞌi weneru hamo hawyi taꞌaipok iraꞌyn mekewat saꞌup wywo mekewat go kyiꞌat hamo.

Maꞌato hãꞌỹi hewo yi wakuat rote rakaria tuwenug kahato pote toipuẽti hãꞌỹi poꞌog 100 wo saꞌawyꞌi wuat tomikoi kai. Iꞌewyte 30 poꞌog tomikoi kai hawyi 60 toipuẽti poꞌog iwato saꞌawyꞌi wuat tomikoi kai e.

Tero iꞌatutag toꞌoꞌewy tiriku iꞌanam koꞌi. Miꞌi hawyi karãpe iterek hap eꞌat putꞌok e hap kape ahenoi Sereai terek haria waku eweipuruk to saꞌawyꞌi iꞌanam koꞌi hawyi eweipeman hawyi eweiwuk taꞌyn areꞌe. Miꞌi hawyi waku eweiterek tiriku koꞌi hawyi waku ewehytmoĩ raꞌyn Tiriku apykok netap we.