Աստվածաշնչի հայտնի հատվածներ Marcos 7-ից

Կիսվել

Ma pa ranima' ri tikawex kel wi lo taq ritzel na'oj, ri makunik chirij ri k'ulanikil, ri karetz'ab'ej uwa uq'ij ruk' jun chik na uk'ulel taj, ri kamisanik, ri eleq', ri rayinik re puaq, ri retzelal k'u'xaj, ri sokoso'nik; ri rayib'al re ri ti'jil, ri k'ax k'u'xaj chirij jun chik, ri itzel ch'a'tem chirij junoq, ri ku'an nim chirib'il rib', ri na kuch'ob' tana sa' ri ku'ano. Ronoje taq wa' wa itzel uwach, chupa ri ranima' ri tikawex kel wuloq y e kach'ulan re rub'inik —xcha'.

Ri kach'ulan ri ranima' ri tikawex na e ta ri kutij b'i, ma e ri kel lo pa ranima', e wa' ri kach'ulan re.

Ek'u ri Jesús xuk'ul uwach: —¡Xa keb' palaj alaq! Lik qatzij ri tz'ib'ital kan ruma ri q'alajisanel Isaías pawi' alaq. Ma jewa' xutz'ib'aj kanoq: Wa' wa tinamit xa ruk' ruwake' kakiyak nuq'ij, no'j ri kanima' lik naj k'o wi chwe.

Na jinta k'ana kutiqoj kakiloq'oj nuq'ij, ma ri k'utunik kaki'ano xa taqanik ke achijab'.

Ek'u ralaq e ya'om kan alaq Rutzij Upixab' ri Dios y e lik kok alaq il che u'anik ri kik'utu'n kan ri tikawex, pacha' ka'an alaq ruk' rujosq'ixik ri tijb'al ya' y ruch'ajik upa ri xaro; yey k'o ne jujun chik pacha' taq wa' ka'an alaq xa majom kan alaq —xcha'.