Աստվածաշնչի հայտնի հատվածներ Marcos 12-ից

Կիսվել

Ri Jesús xuk'ul uwach: —Ruk'u'xib'al ronoje ri Tzij Pixab' re ri Dios e wa': Chita', ix aj Israel; ri Dios Qajawxel, xa jun Rire. K'ax k'u chana'a ra Dios Qajawxel ruk' ronoje awanima', ruk' ronoje ak'u'x, ruk' ronoje ana'oj y ruk' ronoje achuq'ab'. E uk'u'xib'al wa' Rutzij Upixab' ri Dios. Yey ruka'm jewa' kub'i'ij: K'ax chana'a rawatz-achaq' jela' pacha' ri k'ax kana' awib' ri'at. Na jinta chi k'u juna tzij más k'o uwach chwa taq wa' —xcha'.

Ek'u ri Jesús xeb'usik'ij rutijo'n y xub'i'ij chike: —Paqatzij wi kamb'i'ij chiwe: Chwach ri Dios, wa' wi'xoq nib'a' y malka'n, e ne xuya más pa ri kaxa chwa ri xkiya konoje. Ma konoje xa e xkiya ruwi' ri kipuaq; no'j wi'xoq tob' lik nib'a' e xuya ronoje ri puaq k'o ruk', wa' e re kuloq' ri lik kajawax che —xcha'.

Ri Jesús tz'ul pana chwach ri kaxa pa kaya' wi ri qasa'n yey lik kutzutza' echiri' ri winaq kakiya kan ri kiqasa'n chupa ri kaxa. Y lik e k'i ri b'eyomab' kakiya uk'iyal qasa'n. Xopon k'u jun ixoq nib'a' yey malka'n y xuya chupa ri kaxa ka'ib' raltaq ko meyo lik na k'i ta rajil.

Yey ri lik chirajawaxik wi e k'ax kaqana' ri Dios ruk' ronoje qanima', ruk' ronoje qana'oj, ruk' ronoje qak'u'x y ruk' ronoje ri qachuq'ab'; yey ri k'ax keqana' ri qatz-qachaq' jela' pacha' ri k'ax kaqana' qib' ri'oj. Wa' e más chirajawaxik chikiwa rawaj eporom chwi raltar ruk' taq ri kaya'i' chwach ri Dios —xcha'.

Ek'u ri Jesús xuk'ul uwach, xub'i'ij chike: —Ya'a alaq che ri nimalaj taqanel re Roma janipa ri taqal che rire, yey ya'a k'u alaq che ri Dios janipa ri taqal che ri Dios —xcha'. Lik k'u xkam kanima' che ri Jesús ma Rire lik xuriq uk'ulik uwach ri tz'onob'al xki'an che.