Աստվածաշնչի հայտնի հատվածներ Mateo 21-ից

Կիսվել

Jek'ula' ri', e janipa ri kitz'onoj che ri Dios ruk' kub'ulib'al ik'u'x, kik'ul na —xcha'.

Ri Jesús xuk'ul uwach: —Paqatzij wi kamb'i'ij chiwe: We ta lik k'o kub'ulib'al ik'u'x ruk' ri Dios y na keb' ta k'ana ipa ruk', ri' na xew ta jewa' ki'an ri'ix pacha' wa xin'an ri'in che ri higo. Ma utz ne ri' kib'i'ij che wa juyub': “Chatela wara y jate'k'ola chupa ri mar” kixcha' y e ku'ano.

Ek'u ri winaq e nab'e chwach kuk' ri eteran lo chirij xkijeqo lik kesik'inik, kakib'i'ij: «¡Qayaka uq'ij ri Ralk'o'al kan ri rey David! ¡Nim uq'ij ralaxik ri jun petinaq chupa rub'i' ri Dios Qajawxel! ¡Qayaka uq'ij ri Dios k'o chila' chikaj!» kecha'.

Xub'i'ij k'u chike: «Ri Dios jewa' kub'i'ij chupa Ruch'a'tem: Che ri Wocho kab'i'xik: “E luwar re oración” kacha'. No'j ralaq 'anom alaq che ri Wocho e jun luwar ke eleq'omab'» xcha'.

Chib'i'ij chike ri e aj Sion: “Chiwilape', ri Rey iwe'ix kak'un iwuk', u'anom lo ch'uti'n che rib'; ukojom lo jun buru, wa' jun q'apoj buru, ral jun awaj aj eqa'n” xcha'.

Tek'uchiri', xub'i'ij ri Jesús chike: —¿Na ajilam ta neb'a ralaq ri tz'ib'ital kan chupa Ruch'a'tem ri Dios? Ma jewa' kub'i'ij: E rab'aj k'aqital kan kuma raj yakal ja, e ab'aj wa' lik xajawaxik cha' katiki' lo ri ja. Wa' e ri Dios Qajawxel x'anaw re y ri'oj lik kakam qanima' che kacha'.

Ek'u uwari'che kamb'i'ij che alaq: Kamajataj na k'u che alaq rutaqanik ri Dios y kaya'taj chike jujun chik tinamit cha' kuya ri jiq'ob'alil karaj ri Dios che rutaqanik.