Աստվածաշնչի հայտնի հատվածներ مَرْخُوس 9-ից

Կիսվել

وَ عِيسَى قَالْ: «إِنْتَ قُلْت كَنْ مَا قَاسِي لَيِّ. وَ أَنَا نُقُولْ كَنْ نَادُمْ عِنْدَهْ إِيمَانْ، مَا فِي شَيّءْ قَاسِي لَيَّهْ.»

وَ طَوَّالِي، أَبُو الْوِلَيْد رَدَّ لَيَّهْ بِحِسّ فَوْق وَ قَالْ: «عِنْدِي إِيمَانْ! نَجِّينِي مِنْ شُكُوكِي!»

وَ بَعَدَيْن عِيسَى دَخَلْ فِي الْبَيْت وَ تَلَامِيذَهْ جَوْا لَيَّهْ وِحَيْدهُمْ. وَ سَأَلَوْه وَ قَالَوْا: «مَالَا مَا قِدِرْنَا طَرَدْنَا الشَّيْطَانْ دَا؟» وَ رَدَّ لَيْهُمْ وَ قَالْ: «الشَّيْطَانْ النَّفَرْ دَا مَا يِنْطَرِدْ إِلَّا بِالصَّلَاةْ.»

«الْمِلِحْ عَدِيلْ. لَاكِنْ كَنْ طَعَامَهْ بِقِي مَا فِيهْ، شُنُو يِقَبِّلَهْ؟ أَبْقَوْا طَاعِمِينْ مِثِلْ الْمِلِحْ وَ خَلِّي السَّلَامْ يَقْعُدْ أَمْبَيْنَاتْكُو.»

وَ قَالْ: «أَيِّ نَادُمْ الْيَقْبَلْ وِلَيْد صَغَيَّرْ مِثِلْ دَا بِأُسْمِي، يَقْبَلْنِي أَنَا. وَ النَّادُمْ الْقِبِلَانِي، مَا قِبِلَانِي أَنَا وِحَيْدِي. هُو قِبِلْ اللّٰهْ الرَّسَّلَانِي.»

وَ نُقُولْ لَيْكُو الْحَقّ، أَيِّ نَادُمْ الْيَنْطِيكُو كَاسْ هَنَا أَلْمِي أَشَانْ إِنْتُو نَاسْ الْمَسِيحْ، أَجْرَهْ مَا يِوَدِّرْ أَبَداً.

«وَ لَاكِنْ أَيِّ نَادُمْ الْيِتَلِّفْ إِيمَانْ هَنَا وَاحِدْ مِنْ الْمُؤمِنِينْ الدُّقَاقْ دَوْل، الْعَذَابْ الْيَرْجَاهْ يَبْقَى شَدِيدْ لَحَدِّي أَخَيْر لَيَّهْ كَنْ رَبَطَوْا فِي رَقَبَتَهْ مُرْحَاكَةْ كَبِيرَةْ وَ زَقَلَوْه فِي الْبَحَرْ.

وَ كَنْ عَيْنَكْ تِدَوْر تَمُرْقَكْ مِنْ الدَّرِبْ الْعَدِيلْ، سِلَّهَا! أَخَيْر لَيْك تَدْخُلْ فِي مَمْلَكَةْ اللّٰهْ بِعَيْن وَاحِدَةْ بَسْ مِنْ يَزْقُلُوكْ فِي جَهَنَّمْ بِعُيُونَكْ الْإِتْنَيْن.