Աստվածաշնչի հայտնի հատվածներ مَرْخُوس 13-ից

Կիսվել

وَ فِي شَانْ أُسْمِي، كُلَّ النَّاسْ يَكْرَهَوْكُو. وَ لَاكِنْ النَّادُمْ الْقَاعِدْ ثَابِتْ لَحَدِّي الْكُمَالَةْ، يَنْجَى.

«أَوْعُوا بَالْكُو. أَقْعُدُوا وَاعِيِّينْ أَشَانْ إِنْتُو مَا تَعَرْفُوا مَتَى وَكْتَهْ يِتِمّ.

وَ وَكِتْ يَكُرْبُوكُو وَ يِوَدُّوكُو لِلشَّرِيعَةْ، مَا تِهِمُّوا لِلْكَلَامْ التُّقُولُوهْ. فِي الْبَكَانْ دَا، قُولُوا الْكَلَامْ الْيَجِي لَيْكُو أَشَانْ الْكَلَامْ التُّقُولُوهْ يَجِي مِنْ الرُّوحْ الْقُدُّوسْ وَ مَا مِنْ نُفُوسْكُو.

السَّمَاءْ وَ الْأَرْض يَبْقَوْا مَا فِيهُمْ وَ لَاكِنْ كَلَامِي يَقْعُدْ دَايْماً.

«وَ الشَّيّءْ الْيَبْقَى بَعَدَيْن دَا، نَادُمْ وَاحِدْ مَا يَعَرِفْ يَوْمَهْ وَ لَا سَاعْتَهْ. الْمَلَائِكَةْ فِي السَّمَاوَاتْ كُلَ مَا يَعَرْفُوهْ وَ إِبْن اللّٰهْ مَا يَعَرْفَهْ، إِلَّا أَبُوهْ وِحَيْدَهْ بَسْ يَعَرْفَهْ.

«وَ وَكِتْ إِنْتُو تَسْمَعَوْا خَبَرْ هَنَا حُرُوبْ قَرِيبْ وَ حُرُوبْ بَعِيدْ، مَا تِبَرْجُلُوا. أَشَانْ دَا وَاجِبْ يُكُونْ. وَ لَاكِنْ دَا لِسَّاعْ مَا كُمَالَةْ الدُّنْيَا.

وَ أَشَانْ دَا، إِنْتُو كُلَ، أَقْعُدُوا وَاعِيِّينْ أَشَانْ مَا تَعَرْفُوا الْوَكِتْ السِّيدْ الْبَيْت يَجِي فَوْقَهْ. أَكُونْ يَجِي مَغْرِبْ وَلَّا فِي أُسْط اللَّيْل وَلَّا وَرَدَّيْ وَلَّا فَجُرْ. أَكُونْ يَجِي فَجْأَةً وَ يَلْقَاكُو نَايْمِينْ. وَ الْكَلَامْ النُّقُولَهْ لَيْكُو دَا، نُقُولَهْ لِكُلَّ النَّاسْ. نُقُولْ أَقْعُدُوا وَاعِيِّينْ.»

نَاسْ هَنَا بَلَدْ وَاحِدَةْ يَهْجُمُوا نَاسْ هَنَا بَلَدْ آخَرَةْ وَ مَمْلَكَةْ تَهْجِمْ مَمْلَكَةْ. وَ فِي دِيَارْ كَتِيرِينْ يُكُونْ زِلْزَالْ. جُوعْ كَتِيرْ يَنْزِلْ فِي الْأَرْض. وَ لَاكِنْ التَّعَبْ دَا، دِي الْبِدَايَةْ بَسْ. هُو مِثِلْ الطَّلَقَةْ الْأَوَّلَانِيَّةْ هَنَا الْمَرَةْ التِّدَوْر تَلْدَ.

وَ أَوَّلْ شَيّءْ، لَابُدَّ الْبِشَارَةْ يِبَلُّغُوهَا لِكُلَّ الْأُمَمْ.

نَاسْ كَتِيرِينْ يَجُوا بِأُسْمِي وَ يُقُولُوا: ‹أَنَا بَسْ الْمَسِيحْ.› وَ يُغُشُّوا نَاسْ كَتِيرِينْ.

«وَ إِنْتُو، أَوْعُوا بَالْكُو. أَكِيدْ يَكُرْبُوكُو وَ يِوَدُّوكُو لِلشَّرِيعَةْ وَ يَفُرْشُوكُو فِي بُيُوتْ الصَّلَاةْ. وَ فِي شَانِي أَنَا، تَحْضَرَوْا قِدَّامْ الْحُكَّامْ وَ الْمُلُوكْ. وَ فِي الْبَكَانْ دَا، تَشْهَدَوْا لَيِّ.

أَشَانْ نَاسْ كَتِيرِينْ يَجُوا وَ يُقُولُوا هُمَّنْ الْمَسِيحْ وَلَّا يُقُولُوا بِكِدِبْ هُمَّنْ أَنْبِيَاء. وَ يِسَوُّوا عَلَامَاتْ وَ عَجَايِبْ لِيُغُشُّوا، كَنْ مُمْكِنْ، حَتَّى النَّاسْ الْاللّٰهْ عَزَلَاهُمْ.

وَ فِي الْوَكِتْ الْيَجِي بَعَدْ التَّعَبْ الشَّدِيدْ دَا، الْحَرَّايْ تَبْقَى ضَلْمَةْ وَ الْقَمَرْ مَا يِضَوِّي وَ النُّجُومْ يَقَعَوْا مِنْ السَّمَاءْ وَ قُوَّاتْ السَّمَاوَاتْ يِنْهَزَّوْا.