Աստվածաշնչի հայտնի հատվածներ مَتَّى 27-ից

Կիսվել

وَ قَرِيبْ السَّاعَةْ تَلَاتَةْ، عِيسَى عَاطْ بِحِسّ عَالِي بِكَلَامْ عِبْرَانِي وَ قَالْ: «إِيلِي إِيلِي لَمَا شَبَقْتَنِي» وَ مَعَنَاتَهْ <إِلٰـهِي، إِلٰـهِي مَالَا خَلَّيْتنِي؟>

وَ طَوَّالِي السِّتَارْ الْفِي بَيْت اللّٰهْ أَنْشَقَّ مِنْ فَوْق لَحَدِّي تِحِتْ وَ الْأَرْض أَنْهَزَّتْ وَ الْحُجَارْ أَشَّقَّقَوْا. وَ الْقُبُورْ أَنْفَتَحَوْا وَ مِنْ الصَّالِحِينْ الْمَيْتِينْ، كَتِيرِينْ بَعَثَوْا.

وَ عِيسَى صَرَخْ بَتَّانْ بِحِسّ شَدِيدْ وَ أَنْطَى الرُّوحْ.

وَ الْعَسْكَرْ الْقَاعِدِينْ يَحَرْسُوا عِيسَى مَعَ كَبِيرْهُمْ شَافَوْا الْأَرْض أَنْهَزَّتْ وَ كُلَّ شَيّءْ الْبِقِي وَ خَافَوْا بِلْحَيْن وَ قَالَوْا: «بِالصَّحِيحْ، النَّادُمْ دَا إِبْن اللّٰهْ!»

وَ مِنْ نُصّ النَّهَارْ لَحَدِّي الْعَصُرْ، الْوَطَاةْ بِقَتْ ضَلْمَةْ فِي كُلَّ الْبَلَدْ.

وَ بَتَّانْ سَأَلَاهُمْ وَ قَالْ: «وَ عِيسَى الْيُقُولُوا لَيَّهْ الْمَسِيحْ نِسَوِّي لَيَّهْ شُنُو؟» وَ كُلُّهُمْ رَدَّوْا لَيَّهْ وَ قَالَوْا: «أَكْتُلَهْ فِي الصَّلِيبْ!» وَ الْوَالِي سَأَلَاهُمْ وَ قَالْ: «مَالَا؟ شُنُو الْفَسِلْ السَّوَّاهْ؟» وَ عَاطَوْا بِزِيَادَةْ وَ قَالَوْا: «أَكْتُلُوهْ فِي الصَّلِيبْ!»