Աստվածաշնչի հայտնի հատվածներ لوقا 14-ից

Կիսվել

«وانّا‑د‑سري‑يوشكان، ءور‑يژضار ا‑يگ امحضار‑ينو ءيغ‑ور‑ا‑يّي‑يتّيري ءوگُّار ن‑باباس د‑ينّاس د‑تمغارت‑نس د‑تاروا‑نس د‑ايتماس د‑يستماس، د‑يخف‑نس ءولا نتّا.

وانّا ءور‑يوسين اگّجدي‑نس ءيمون ديدي، ءور‑يژضار ا‑يگ امحضار‑ينو.

اشكو وانّا ءيسّيمغورن ءيخف‑نس را‑ت‑يژّيمژاي ربّي، ءيمّا وانّا ءيژّيمژاين ءيخف‑نس را‑ت‑يسّيمغور.»

غمكاد ا‑س‑اون‑نّيغ، وانّا گيگون ءور‑يفيلن كولّو ما‑دارس‑يلّان، ءور‑را‑ييژضار ا‑يگ امحضار‑ينو.

ما‑را‑يسكر وانّا گيگون ءيران ا‑يبنو يا‑لّبرج؟ ءيس‑ور‑را‑يسكيوس ءيسكر لحساب‑نس ا‑يژر ءيس‑دارس ءيقاريدن ما‑س‑ا‑ت‑يتكمّال؟ ا‑ور‑يزّوگز لّساس ياف‑ن ءيس‑ور‑يژضار ا‑ت‑يكمّل. غاكودان را‑گيس‑ضصّان كولّو وينّا‑ت‑ژرانين ار‑تّينين: ‹غواد ءيگرا ا‑يبنو والاينّي ءور‑يژضار ا‑يكمّل.›

والاينّي ءيغ‑تريت ا‑تسكرت كرا ن‑يمنسي ءيمقّورن، عرض ءي‑يمژلاض د‑يكوشامن د‑يبيضارن د‑يبوكاضن. را‑ك‑يبارك ربّي اشكو نتني ءور‑دارسن ما‑س‑ا‑ياك‑تراران لخير. ربّي ا‑راد‑اك‑ت‑يرار غ‑واسّ لّي‑غ‑را‑د‑نكرن غويلّي‑ف‑يرضا.»

«تفولكي تيسنت والاينّي ءيغ‑تلموس تيسنت ما‑س‑را‑ستّي‑تسّمارغم؟ ءور‑سول‑تگي ءي‑واكال ءولا تگا ءي‑وگودي ن‑ومازير. را‑ستّ‑اوين مدّن لوحن‑تّ‑ين س‑برّا. وانّا دار ءيمزگان ا‑سرسن‑يسفليد، ءيلّا فلّاس ا‑يسفلد.»