Աստվածաշնչի հայտնի հատվածներ لوقا 12-ից

Կիսվել

ءولا كونّي ءيلّا فلّاون ا‑بدّا‑توجادم، اشكو راد‑د‑اشكغ نكّي لّي‑يگان يوس ن‑بنادم غ‑كرا ن‑تاساعت لّي‑ور‑تغالم.»

والاينّي لهوات زوار س‑تگلديت ن‑ربّي س‑اون‑يزوويد كولّو تيغاوسيوين‑ان ياضني.

ءيزايد ييني‑اسن: «رارات لعاقل ا‑ور‑تّيريم كرا ءيگّوتن ءي‑يخف‑نّون، اشكو تودرت ن‑بنادم ءور‑تلّي س‑توگّت ن‑وايدا.»

اشكو ءينّاغ ءيلّا‑وايدا‑نّون ا‑غ‑را‑ييلي‑وول‑نّون.

ما‑يژضارن ا‑يزايد يات تاساعت ءي‑تودرت‑نس س‑تاغوفت لّي‑يوسي؟

ءيساول ياسوع س‑يمحضارن‑نس ييني‑اسن: «ماياد ا‑ف‑راد‑اون‑ينيغ، ا‑ور‑تاسيم تاغوفت ءي‑تودرت‑نّون ف‑ما‑را‑تشّم، ءولا ءي‑دّات‑نّون ف‑ما‑راد‑اس‑تلسم.

ءيمّا كونّي زغ‑ينژاضن ن‑يخف‑نّون ءيحاسب‑تن ربّي. ا‑ور‑تيكساضم، اشكو تعزّام دارس ءوگُّار ن‑واجّاوجن گّوتنين.

«ا‑ور‑تيكساطّ ا‑تاوروت ءيمژّين. ءيفرح ربّي باباتون اد‑اون‑يفك تاگلديت‑نس.

ژرات ءيهاقّاين، ءور‑ا‑كّرزن ءولا‑دا‑مگّرن، ءور‑دارسن ءيحونا نغد لبروج ما‑غ‑ا‑سّمونون، والاينّي ار‑اسن‑ياكّا ربّي امشّو لّي‑حتاجّان. ءيمّا كونّي، ءوگُّار ن‑يگضاض ا‑تعزّام دار ربّي.

ا‑ور‑تلهوم س‑ما‑تشتّام ءولا ما‑تسّام، ءولا‑دا‑تسّيحيلم ءيخف‑نّون س‑يات.

ءيغ‑ا‑يسّلسا ربّي توگا لّي‑يتمغاين غاسّاد غ‑تاگانت تّياوگار‑ن ازكّا غ‑تاكات، ءيس‑ور‑را‑كُن‑يسّلس ءولا كونّي س‑وگُّار؟ ءيس‑ور‑تومينم س‑ربّي؟

كولّو ما‑يرگسن را‑د‑يبايّن، د‑كولّو ما‑ينتلن را‑يتياوسّان.