Աստվածաշնչի հայտնի հատվածներ Эхин 12-ից

Կիսվել

Би шамһаа үнэр үдхэн агууехэ арадые бии болгохоб, үреэхэб, шамайе нэрэ хүндэтэй хүн болгохоб, шамаар дамжан хожомой сагта олон зондо баяр баясхалан дахин ушарха. Хэн шамайе үреэнэб – тэрэниие Би үреэхэб! Хэн шамайе хараанаб – тэрээндэ хараал хүртөөхэб! Шамаар дамжуулан Би орон дэлхэйн бүхы арад зониие буян хэшэгтээ хүртөөхэб!

Нэгэтэ Эзэн Абрамда иимэ айладхал буулгаба: – Энэ орон нютагаа, түрэлхидөө, эхэ эсэгын гэр байраа орхи. Минии зааһан газар дайда ошо.

Иигэжэ Абрам Эзэнэй зарлигаар харгы замда гараба; тэрээнтэй хамта дүүгэйнь хүбүүн Лоот ябалсаба. Харраанһаа гарахадаа Абрам далан табан наһатай байгаа.

Тэндэ Эзэн Абрамда үзэгдэжэ, иигэжэ айладхаба: – Би энэ газар дайдые шинии үри һадаһадта үгэхэб! Иигэжэ өөртэнь үзэгдэһэн Эзэниие хүндэлжэ байһанаа элирхэйлэн, мал үргэл болгон шатааха шулуун шэрээ Абрам тэндэ түхеэрбэ.