Աստվածաշնչի հայտնի հատվածներ SAN MATEO 4-ից

Կիսվել

Chashna nicpi Jesusca: —Dios quillcachishcapica: ‘Gentecunaca mana micunallahuanchu causanga, ashtahuanpish Taita Dios rimashca shimicunahuanmi causanga’ ninmi— nirca.

Shina nicpi Jesusca: —¡Anchuri caimanta Satanás!*f** Dios quillcachishcapica: ‘Canta Mandac Taita Diosllata “allimari cangui” ningui, paillata servingui’ ninmi— nirca.

Chashna nicpimi Jesusca: —Chashnallatac Dios quillcachishcapica: ‘Canta Mandac Taita Diosta ama caita chaita ruhuai nichun’ nicunmi— nirca.

Chai q'uipaca, Diospac Espiritumi Jesustaca diablo pandachisha nichun, shitashca pambaman pusharca. Chaipi chuscu chunga punzhata, chuscu chunga tutata mana micushca cashpami, Jesusca yarcachirca.

Chaipimi Jesusca paicunataca: —Ñucahuan jacuchic. Cancunataca pescadota japiccuna shina, gentecunata Diospacman pushamuccuna cachun yachachisha— nirca. Shina nicpica, linchicunata chai pambapi saquishpa, Jesusta c'atishpa rircacunallami.

Chaimanta pachami Jesusca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nishpa huillai callarirca.