Աստվածաշնչի հայտնի հատվածներ यूहन्‍ना 11-ից

Կիսվել

थेमे येशूकी थेला “मिओनला स्‍यिसादुकी सोम्‍बो लोक्‍कान्‍ते ङाराङ ईन। थेमे नोमुङ मिसिन्‍च्‍येते जुनी तेरकान्‍तेङ ङाराङ ईन। ङाला विश्‍वास खित्‍कान्‍ते मिचेन नोमुङ मिसिन्‍च्‍येते जुनी ङेतेकी स्‍यिसीनोङ लोक्‍ला सोम्‍बो लोइओ। ङाला विश्‍वास खाला नोमुङ मिसिन्‍च्‍येते जुनी ङेता ओताते मिला कालगी छ्याःङ खिता मुथुबो। च्‍यि खो दि बात पत्ते खिओ?” सिन सिदुक।

थेमे येशूकी “च्‍यि खोल्‍ला ङे आनाङका ङे बात पत्ते खासीन परमेश्‍वरगी चुक छ्येज्‍यीक काम खिता थुप्‍च्‍या ईन्‍दाका सिन छ्या स्‍येक्‍यो सिन साबाते मेनरो?” सिन सिदुक।

थेमे येशू ङुसुङ।

थे लोन थोनामेकी थेकी चेलातेबाला “थे थोक खाईन नाबाते स्‍यिला ड्वाप्‍ला मेन। बरू परमेश्‍वरगी चुक छ्येज्‍यीक काम खिता थुप्‍कीते थेमे परमेश्‍वर फुज्‍युङताङ चुक छ्येज्‍यीक शक्ति ओते सिन मिओनगी छ्या स्‍येस्‍यीत सिनराङ दोक ओङाते ईन,” सिन सिदुक।

दोस्‍यिक साकीन सिन्‍नामेकी थेकी कस्‍स्‍ये खाईन “ए लाजरस, फिनामा थेन्‍ला स्‍योक,” सिन थेला काताङसुङ। थेमे थे स्‍याप्‍ते लाजरस दाक फिनामा थेन्‍गीन लिच्‍युङ। थेला फुकदु ज्‍य्‌वाजीन लाक्‍पा काम्‍बा ठीलाते कार्मुते खोलाक थोरूमोङ ठीलाते ठीलाराङ ओतान। छ्येतनापा ठीलाते खोलाकोङ थोगी थोकराङ ओतान। थेमे येशूकी थेबाला “लो दिला फुकदु ज्‍य्‌वाजीन ठीलाते गाङे टोल्‍ला बिन, दि ख्‍याम्‍बा थुप्‍स्‍यीत,” सिन सिदुक।

येशूला याङराङ खपेराङ खिता मुथुप्‍च्‍या आउदी मेलेबा लासुङ। थेमे थे लाजरस रो ज्‍याक्‍पाते फुकनापा लेप्‍सुङ। थे फुकचेन रो ज्‍य्‌वाबाला ठाःक ठुकीन जोबा ओतान। थेमे थे फुगी गोनापा दोज्‍यीक क्‍योरगीन ज्‍याक्‍पा ओतान।

दोस्‍यिक साकीन सिन्‍नामेकीङ थेकी “ङुरूङ र्‍वा लाजरस ङिक गाल्‍दुक। तर ङा थेपा गाल्‍ला ङिक गाल्‍सादुकी थेला लोङगो,” सिन सिदुक।