Աստվածաշնչի հայտնի հատվածներ Kejadian 4-ից

Կիսվել

Dipkoprop teleb ninguk winipminyopura, narye kanye deibuka, ‘Telebe’ kum tenepnamakin do? Bukni, teleb ninguk kum winipminyopura, kanye moupnulyame. Malye winina deiyok ning, mining dam upmakile. Isa Mutuku Dongonye arye, tonok aik pum bukmace ninye ati, ‘Se, aninye malye kipdeipnune’ tenen, pia patapliba, bublan dam bukuka, pia kalikuka dilamle touk, malye kipdeipmanto akunum upmakile. Bukni, an adiparyuk malye kibuka, amalye una ara, bataknulyame,” Allah arye nyabuk.

Set nebukopura, el mi ton deibukce, el si ara, Enos nyabuka deibuk. Atalak noutamak ara, ton tukwak ninye arye, deiyok koubuka, ‘Allah el si Yahweh arye melipsetu’ tenen, el si Yahweh erebuka moronmek. Allah morona deiyok bikna talak ara, atalak arye, deiyok koubikce, Allah el si Yahweh ati morolamik.

Dibukba, Allah el si Yahweh arye, Kain ati asipdeyuk. “An weit koproba Habel bira, danaka unmal do?” nyabuka asipdeyukura, Kain birye, “Yo, na walwale. Nara, na weit koproba Habel, el kalikuka dinanye ununa ati nyanmanilam do?” nyabuka pilibuk.

Nyabuka pilibukba, Allah el si Yahweh arye, nyabuk. “Se, anda yata winipmamu do? Kekelyame! An weit koproba, el ining tuku deice sakmoa arye, ngalukunmalba kekepne.

Nyabukba, Allah el si Yahweh arye, Kain biti tamubuka nyabuk. “Kume. Anyapmalam tonun kum winipnamkile. Yatanye do, Kain biti oplinye bira, narye nyapdeipniba, anye biti kwang dakuka opnamake. Ara, tonok talak uk kume, tekbarye nukuka, kwang dakalanamake,” nyabuk. Allah arye nyabukce, ‘Yata ninye do nirya, Kain eibikirye, obicak’ tenen, yupu sekelongona ati, Kain el nong deice ara, pitin kilina ning deibuk.