Աստվածաշնչի հայտնի հատվածներ Génesis 18-ից

Կիսվել

¿Me yu'un oy c'usi mu xu' yu'un tspas li Diose? Le' ta jun jabile ta xtal jvu'lanot yan velta, li Sarae oy xa'ox yol —xi.

Li Sarae te itse'in stuc. Jech la snop: “¿C'u x'elan xu' lec to chca'ay jech chc'ot ta pasel ti mol me'eluncutic xa xchi'uc li jmalale?”, xi.

Yu'un li stuque ja' totil chc'ot yu'un jun muc'ta lum ti oy lec stsatsale. Yu'un calojbe ono'ox ti ja' ta sventa chich'ic bendición scotol li muc'tic lum li' ta banamile.

Li Abrahame inopaj batel jutuc. Jech la sjac'be li Muc'ul Diose: —¿Me te capal chavules li boch'o lequic xchi'uc li boch'otic oy smulique? C'alal me oy lajuneb yoxvinic (50) cristianoetic te ta lum ti tuc' yo'ntonique, ¿me chalajes li lume? ¿Me chapasbe perdón me oy lajuneb yoxvinic (50) tuc' yo'ntonique?

Itac'ov li Muc'ul Diose: —Me oy ta jta lajuneb yoxvinic (50) tuc' yo'ntonic te ta lum Sodomae, ja' ta sventaic xu' ta jpasbeic perdón ti c'u yepal te nacalique —xi.