Աստվածաշնչի հայտնի հատվածներ Episasi 1-ից

Կիսվել

Ma na hoɂasia Waratoɂo ruɂu hana ɂe ka tahania niɂiraeha ɂau hana ɂau ka rao raea ɂare ɂutaa koru rae maahaneɂi ai. Koru rae maahaneɂi ai, tona ɂana Waratoɂo ɂe suuai koru hana koru ka taɂaa naia. Ma ɂua ruɂu, hana ɂe ka tahania niɂiraeha ɂau hana ɂau ka raea seanaha raekiɂa ɂe naɂa akau hana ɂi koru, taɂaa maea naia. Ma na hoɂa, ɂua ruɂu, hana ɂau ka rao manata raea ɂokiraha taroriu, ne ɂe ana Waratoɂo, ɂe paina ɂutaa. Ɂe toɂi ana ɂokiraha paina nena hana haipooni ana koru, ɂi koru ne koru norutoɂo ana Tisasi. Ana ɂokiraha nena ɂe taɂeraɂania Karaesi maania maeha ma ɂe watea hana Tisasi ka toɂoru hahona perapera hani painaha taɂau uru ana poɂo ɂokira ana Maamana. Painaha ɂe ana Karaesi haahia rikimana enisero ɂe otooto ma haahia rikimana enisero mae sena. Tona ɂai, ɂe paina haahia rikimana houra ma araha ni enisero haɂania rikimana rauta ni huruhuruɂa ana painaha ma ɂokiraha ɂe ana kira. Karaesi ɂe paina haahia ɂi kira siko ne taɂaa noni kira rae iri ana ratana kira. Painaha haahia rikimana ɂare ɂe ana Karaesi ana horoɂa ɂaiɂe ma taraha taraunaɂi.

Ma Waratoɂo ɂe hirisi koru sii hana ɂe haɂahoraa maraukari, tona ɂana ɂe niɂirae akau hana Karaesi ɂe ka haɂamauri koru. Ɂe hirisi koru hana koru ka otooto ma sena hautaɂai naɂo hana. Tamana ɂe raetoɂo ana koru, ɂe niɂirae akau warita hana koru ka rau hana hakae tarena ana ɂare Tisasi Karaesi ɂe taua hana koru. Waratoɂo ɂe taua ɂare ɂaiɂe tamana ɂe niɂirae hai ma ɂe soɂona raena

Maeha Miɂi Naia, Tisasi Karaesi, ɂe horihorita hana koru ka ɂahuɂe maania mae senaha koru. Tamana raena Waratoɂo ɂe sena rikaɂa hana haipooni ana koru, ɂe totoorita ana mae senaha koru ana ɂapuna Tisasi ne ɂe ahe honosi koru.

Ɂe hana ɂi koru siko, koru ka haɂapainaa Maamana Araha koru Tisasi Karaesi ne ɂe Waratoɂo naia ke raɂo. Ɂe otooto hana koru ka haɂapainaa Waratoɂo, tamana ana Karaesi Waratoɂo ɂe watea taɂau uru mai rikimana ɂare hani haipooniha ana hiɂonana koru.