Աստվածաշնչի հայտնի հատվածներ Lɔgɔ Sabba 17-ից

Կիսվել

Na Awuram hunaa oynyaa gɛnyɛ anna 99de, dhɔlɛsɛ ꞉Tumu rɛ na sɛɛsɛ, “Anye kani ‘El Shaday,’ Komoruya Kɔani Lɔgɔ Kumulɔng. Na igomogony anye na kali kali bhɛk lɔga ganyu ku dhere sɔng na te hira ridhing ningginɛna.

Na mɛa sara gunyu Awuram ale ngani ngakeliyenyo. Na keliyeny Awuraham ke ngaya ale kojjɛiny na anɛ kokonga bhorinyany kumulɔngge.

Na bhɛa nunu ko ashaa gunyu ko tenyiye ale ngani chillanɛye, lɔga bere kìbhiikko ko inye ale kɔlɔmi dhul ko kingi na kani Komoruya nunu ko na ashaa gunyu.

“Lɔkte kìbhiik ko inyeye a ɛnɛnggeo, inye ale kojjiny na ani kokonga bhorinyaa mɛra.

Na sɛɛsɛ ꞉Tumu, “Ay, ale tɛriya nunu Ngasara hudhukkono erite may dhere. Na ale kɔdhdhɛsɛn sarre kèe Isak. Na lɔga ale kìbhiikko ko nɔng ko ashaa gɛnyɛ agga ɛlla dhul ko kingi.

Na mɛa ngabaya kèe Kanan bhagi kɔmɔnimoye ale kajjiny inye ko ashaa gunyu na kani Tumua nɛ dhul ko kingi.

Na Awuraham tɔgɔdhu kɔmma na dhugumu na ɛsɛdhu lɔgɔ na chɛgu na seu, “Ngangaye, hira oynya ku 100 anda ale eri irrittono ɛnɛng? Chɔɔ ko nɔng Ngasara aynda oynyaa gɛnyɛ dhaa te 90de na anda ale eri lɔmmana ɛnɛng?”

Na mɛa tɛriya nunu eli sarre kèe Ngasara. Ngasaray ngaelii.

na kete tela kìbhiigɛa ko igge lɔgɔ.

Na yɔk lɔga ganyu bere kìbhiikko ko inye ale kubhugɛsɛn erite ale hudhukkono :Ngasara kèe Isakte. Nɔng ngaeritonu ale hudhukkinya rogonɔ oyogiye ngakoleya.”

Tenya mɛane ko tenyiye ale chillanɛ wurtɔye kumulɔng hunde ga maya hudhukkinya na ungo te isseyte, any kegedhdhigi rɛhiya gɛ maya. Na chɔɔ ko hunde kete zuga maya tallano oo kete ga irrittono ɛrchɛnne doriyoa gu, any kegedhdhigi rɛhiya gɛ maya nganga sɛgɛn. Ngatelda a tela kìbhiigɛa ko igge lɔgɔ na ale lɔmmo rɛhichinne dhul ko kingi.