Աստվածաշնչի հայտնի հատվածներ Tatanigaina 17-ից

Կիսվել

Ka ia 99 komuhuna Ebaramu, Iahova neke podolo ka manei neke kahe ghua ghu iahi, “Ara mu ia God ta Torai Mana. O au va hohoghona ka ara nia o toraina kaike noni ta veha ka hoatadi ira noni, e ghua

Babaolouna agho e deo ke Ebaramu na, nga Ebarahamu eke age ghua ghinigho, vununa ara nato nakaigho agho mala faadira tehi butubutu noni.

Ara a age sutei ia nogu varivehai taghe kaike varivehai toghunaina vari hoataigu ara nia agho nia ira pagusu ka agho leghuu agho ka ira ubaladi noni keha nareo. Ara a age nou God agho nia God ka ira pagusu agho, e ghua.

“Ka ia keha pelona ara ka ia varivehai, ara a riva ghini taremehau agho iahi: Agho o age faadi ira tehi butubutu noni.

Ghe God neke kahe ghua iahi, “Deo. Sera ia ghaseborou e age nai vananigho kaike tuumane, Aesake o age ghua ghini ghu baolina agho. Ara a age sute toghunaini ia nogu varivehai taremehana manei nia ira pagusu ka manei e ghua. Iahi mu e toraina toghunaina varivehai.

Ara a age vananigho agho nia ira pagusu ka agho ia kava Kenani ta deo go kutana ghu ghau. Kava kamoto iamu edi age tagho fuludaini ira pagusu ka agho, nia ara ga age nodi God ghu maneri, e ghua.”

Ebarahamu neke maimanihi tala hinae ka kavao, ghe neke pagho nga, deona geke va hohoghona ghu. “?E boka nai rekaha mo mu ia mane ta 100 komuhuna? ?E boka mo Sera nai rekahana ka ta 90 komuhuna ini manei?”

God neke kahe ghua molamo iahi ka Ebarahamu, “Nga ka Sarai ia ghaseborou agho mu, babaolonana manei mu to deo ge Sarai ghu; tataniga ghatunaina mu, Sera babaolonana manei.

Ghau o toraina mala hioi ia papahe va ghilaghila. Iahi mu e age va ghilaghilana ia varivehai vari hoatamu ghau nia ara, e ghua.

Ghe ara a age sutei ia nogu varivehai taremehana Aesake ia tuumane agho, ia ta age doli ka Sera taghe ka fafata iahi ghatunaina ka keha komuhu nia.”

Ka ira ubaladi noni ta la meha mu, leghu gogoso manedi nga ka hoatamu ghau ta hana ravatadi, edi toraina mala papahe va ghilaghila, au haghele harona ira ta doli ka ia suga agho, ba ira noni mala varituhu ta tabarari ka kaike noni mehana—ira taka pagusu ghu ka agho. Maneri mu edi toraina age papahe va ghilaghila, geta doli ghu ka ia sugamu ghau, ba tabari ka ira rongo ghau. Ira tinimu ghau edi age va podoli ia va ghilaghilana ia nogu toghunaina varivehai.