Աստվածաշնչի հայտնի հատվածներ MATEO 28-ից

Կիսվել

Sane naukiche, amekosi au nanaiña iku axɨna kɨx, apiñununekasama namanaiña nauki aikokoromañɨ. Apaunimia ɨmoma au nɨrixhti Iyaɨ, axti Aɨtoxti axtityo Espíritu Santo. Apiñununekasama nauki akokonauma ɨmo nanaiña nixhakɨpuku aume. Tapɨ axɨñɨ yasikia auchepe nanaiña naneneka, ichepe axtɨ iñatai nityakɨrux ɨmo axɨna kɨx.

Sɨrotitɨ Jesús esama, nanti ɨmoma: –Axti Tupax ane nisɨriaka uiti au napes ikunaintyo axɨna kɨx.

Nanti maniki ángel ñome axɨmanio paɨka: –Tapɨ aupixhuka. Tusiu iñemo apapacheka iyoti Jesús, axti maniki takubaxioti kɨtɨpɨ kurusɨx. Champɨti auna, tɨsɨborikoti tato, takana nuraxti. Ausiapata amasarai kauta anankati.

nanti Jesús ñome: –Tapɨ aupixhuka. Amekosi aburaboi sukarɨ axɨbama masarukityaiki tari yɨrakamatɨ au Galilea, akamanu asaramañɨ.

Axɨma sɨromatɨ aparimia aɨbu mayɨriabuka nauki chepe ñakionkoxɨma. Bacheboma chama monixh ɨmo masortaboka, auki namatɨ ɨmoma: –Axaño amukanaño au tobixh naukiche aupanuka, axɨmanuma apóstoles kuamatɨ akusɨpɨrioma nikɨtɨpɨxti. Axtɨ ipiatenti yɨriabux axɨna sane, axɨsomɨ supaparikia aɨbuti, tapɨ axaño champɨ kausane aume. Axɨmanuma masortaboka yasutiuma axɨmanu monixh isamutema isiu axɨmanu nuraxɨma ɨmoma. Tyone axɨna kaɨmainki ikokotama axɨbama judíos.