Աստվածաշնչի հայտնի հատվածներ لوکا 7-ից

Կիսվել

”نگے کھیورانّگا زیرّاد، ای بوموے دِیگپا چوکھان مانگپوا مُعافی تانگسپا، کھوے چیسپا مانگپو چوس۔ اِین نانگ دِیگپا نیونگون چوکھانّی دِیگپا مُعافی تانگکھانبوے چامسپا نیونگون چوس۔“ تینے حضرت عیسیٰ سی بوموبوا مولس، ” کھیرانگی دِیگپاگونلا مُعافی تانگستے این۔“

حضرت عیسیٰ سی بوموبوا مولس، ” کھیرانگی ایمانی کھیرانگ سکیوبستے این۔ تا سونگ خُدے جیدے کھورانگ نیامپو اینوگ۔“

حضرت عیسیٰ سی گیابّا کھونگی جابسّی لدُونلا پِیکدونگ ژُوگستے نگواینّانگ چھیما نیامپو کھونگی کانگما لونپا چوستے کھورانگی ثا نیامپو پھیاین، پوگ تانگین، کھوے ٹیجیم چانّی مارناگ لوگس۔

تینّا گیونتشانبوے پھیا نگا نیرانگی لدُونلا جالچیسپوانگ اوسپا ماتشور۔ اِین نانگ نیرانگیکا سالنا، نگے یوگپو پھانین وانگچھے یوگا نگانگ دوگّاد یانگ نگے وانگچھے یوگا ماگمیگون یود۔ نگے چیگّا سونگ زیرنا چھانوگ یانگ چیگّا یونگ زیرنا یونّگانوگ، یانگ نگے یوگپوا ای لاسپو چوس زیرنا چوانوگ۔“ حضرت عیسیٰ سی تیبو سانّاچیگ، ہالاستے کھونّگا ڈانگستے یونگکھانّی میتشوگس چھوگسلا گیورتے مولس، ”نگے کھیوجا زیرّاد، بنی اِسرائیلی نانّگانگ نگا یتسوگسّی ایمان چانجیگ مانے ماتھوب۔“

تینّا توسلا حضرت عیسیٰ سی ناد یونگکھان، زُومو یودکھان مانگپو پھانچوگس، ردود جُوگسکھان مانگپو پھینّگا زادس یانگ جارا مانگپوا میگنے تھونگ چوگّا زادس۔ حضرت عیسیٰ سی لون کھیونگکھانگونلا لانسالس، ”لوگستے سونگ یانگ کھیوجے تھونگکھان تانگ تشورکھانگون حضرت یُوؔحنّا ٰ شود۔ جارا گونلا تھونگ، جاؤ گُون ڈولس، دزینادچانگون گیالتے ژانگما سونگ، ماتشورکھانگونّی تشور، شیکھانگون سونتیا لانگس، یانگ نیالباچانگونلا گاموےناتسُول شادس۔