Աստվածաշնչի հայտնի հատվածներ لوکا 4-ից

Կիսվել

”مسیح خُدے رُوح نگیکا ناس، چیازیرنا کھونگی نگا نیامشونگّونلا گاموےناتسُول شادچیسلا سکوا زادس۔ تسونپاگونلا تھارپا تھوبچیس، جارا گونلا تھونگچیس، ردوگنگالّی نانّگا یودکھانگون پھودچیس یانگ مسیح خُدے کھونگرانگی میگونّیکا شزدے زادچیسّی توس لیبکھانبو کھیابڈاگس چوچیسلا کھونگی نگا کالا زادس۔“

حضرت عیسیٰ سی کھوا لانسالس، ”ہلژخمہ شوقبُو بوے نانّگا ڈِیازادتے دوگ، ’کھیوجے مسیح کھیوجارانگی خُدا چولگوس۔ یانگ کھونگ چیگپوا جابستوگ جوگوس‘۔“

حضرت عیسیٰ سی لانسالس، ”ہلژخمہ شوقبُو بوے نانّگا ڈِیازادتے دوگ، ’می تاگی چیگپوے سونتیا میلوس‘۔“

حضرت عیسیٰ مسیح ہلژخمہ رُوح بوے گنگستے یوردان لژانگسپو نے لوگستے سکیودس، یانگ ہلژخمہ رُوح بوے کھونگ ریستونگی نانّگا کھیرّا زادس۔

حضرت عیسیٰ سی کھوا لانسالس، ”ہلژخمہ شوقبُو بوے نانّگا ایبوانگ مولدوگ، ’مسیح کھیوجارانگی خُدا تشود ماستا۔‘“

شیطان گونّی گوبے حضرت عیسیٰ سی تشودلتا تشارّاچیگ کھوا یانگ سکابس تھوبتھوب تشوگپا کھونگنے بیتے سونگ۔

شیطان گونّی گوبے کھونگ ناسّا تھونپوجیگیکا کھیرتے کھونّگا دُنیائی گیالثید تشانگما ثیبچیگی نانّگا ستانتے، شیطانی حضرت عیسیٰ سی زیرس، ”نگے کھیورانّگا ایگونّی سپال تانگ وانگچھا تشانگما تانگین، چیازیرنا تیگون نگا تانگستے اینپا نگے، نگارانگ تھادکھانبوا تانگین۔ کالتیس کھیرانگی نگا چھاگ پھولتے چولنا نگے کھیورانّگا ای تشانگما تانگین۔“ حضرت عیسیٰ سی کھوا لانسالس، ”ہلژخمہ شوقبُو بوے نانّگا ڈِیازادتے دوگ، ’کھیوجے مسیح کھیوجارانگی خُدا چولگوس۔ یانگ کھونگ چیگپوا جابستوگ جوگوس‘۔“

تینے ردودگونّی گوبے حضرت عیسیٰ سی یروشالیمّی گیالسا ٹھیدتے کھیرس یانگ بیت المقدِس سی گولینّگا کھیرتے زیرس، ”کالتیس نیرانگ خُدےبوژا اینّا یکانے تُھورلا لچیبّانگ چیازیرنا شوقبُو بوے نانّگا ڈِیازادتے دوگ، ’ کھیرانگ سکیوبچیسلا خُدے فرشتاگونلا کا سالین، کھیرانگی کانگپانگ ردویکا پھوگ میچوگچیسّی پھیا فرشتاگونّی لاگپا کیانگستے کھیرانگ زومّا زادِین‘۔“ حضرت عیسیٰ سی کھوا لانسالس، ”ہلژخمہ شوقبُو بوے نانّگا ایبوانگ مولدوگ، ’مسیح کھیوجارانگی خُدا تشود ماستا۔‘“