Աստվածաշնչի հայտնի հատվածներ Matiyu 3-ից

Կիսվել

Bang kaam sabannal-bannal pataikut na min dusa bi, hinangun bi hinang hap, palsaksian in addat bi pinda na.

Niya' isab suwara halling min diyōm sulga'. Uk na hi', “Iya na itu anak ku kalasahan ku, landu' makasulut atay ku.”

Ubus peen si Isa bayi piyandi, pariyata' na iya min diyōm bohe'. Sakali paukab langit, bo' tanda' na Nyawa Tuhan sali' dagbōs assang, pareyo' minnihi' patapu' ma iya.

Maka aku itu,” uk si Yahiya, “bohe' sadja iya pamandi ku ma kaam, tanda' saksi' in kaam pataikut na min dusa bi. Suga' niya' paitu damuwi min aku labi le' kawasa min aku. 'Nsa' aku tiyōp minsan sadja menten tawumpa' na. Saddi bohan pamandi na ma kaam, hati na in iya mahōp Nyawa Sutsi ni diyōm baran bi. Manga aa kasehean isab piyandi uk na maka api.

Kaam iyu sali' hantang manga kayu song tibbōng maka kapa, tōbtōb min poon na. Sabab kayu kamemon 'nsa' hap buwa' na tibbōng du, liyarukan ni diyōm api tiyutung.

Si Yahiya itu bayi pigbissala ma awwal le' uk si Isaya. Uk na, “Niya' aa ngalingan ma lahat 'nsa' agōn kalluman ayi-ayi. Salaitu pangalingan na, uk na, ‘Song na takka Panghu'. Lanuin bi daddōk palabayan na. Pabōntōlun bi palangnganan na.’ ” Salaihi' bayi pagbissala uk si Isaya hi'.