Աստվածաշնչի հայտնի հատվածներ মথি 6-ից

Կիսվել

ছুগি নাংরোচা পাথামা ফাখাং নেইংঙেংদগো য়ুউলো চেংজাগে অর ফাখাং ছেংদা আলৈই নিংফুগো ক্রিগে। য়াহ্লকমিগি য়াংচারোচা নাংরোলি রাঃমি। ন্হাকফ্রেং যা ফ্রইফুলিঃ য়াংচাগো য়ুউলো মেচেংজাগেকি

হ্নাকফ্রেং চেংজাচাগো হ্নাকফ্রেং লুউক। গিনি দুঃখাওয়াচা গিনি আতেংব্যা।

“থুঃউ আক্রং ঙা নাংরোগো প্ররি, ‘যা চাঃলো হ্রাং নিংফুলিঃ য়াং আক্রংগো য়ুউলো মুহুককিলি কেইংথামা যা ওয়েফুলি য়াংচাগো য়ুউলো মেচেইংযাগেকি। আসাক হিকগি চাঃফু-সকফুব্যা সাসাক মুহুক অর সেইংথাচা আওয়ে-অাঃচা ওয়েফুব্যা সাসাক মুহুক।”

ছুগি নাং যাখা ছুউক তংরি য়াংখা ইং দুওয়ংদুঃ ওয়ংরো লেংখুওয়া পুয়িই অর নাক গংখাং ফাখাং, যাসুউগু মাম্রাংগিলি বামা হিকরি, য়াংসুউবামা ছুউক তং। নাক ফাখাং, যাসুউ আলুংচা ম্রাংরি, য়াংসুউরা নাককো ছুউক পিইফু।

য়াংচা কিজু নাংরো দিঃ পুয়েং ছুউক তংগি: অ-ঙুরো গংখাং ফুংমা ফাখাং, কুঃবাং নাঃমিচা সেংস্যাংসছুরো লাক খেংবাজিই। কুঃবাং নেংঙাইংদচা আচু রাঃবাজি। কুঃবাং ছেংদাচা যাপুয়েং গংখাং ফুংমা য়াংপুয়েং লঃগামালি ছেংদা প্রিজুংবাজি।

যা আঃচা ঙুরোমা লুঃরিলি য়াংচা গিনি ঙারোগু পিইবা।

যাসুউরো ঙারোগু আঞ্যচি প্যাংগেতি, ঙারো যাপুয়েং য়াংসুউরোগু খুওয়ং রুওয়েতি য়াংপুয়েং কুঃবাংলি ঙারোমা হিকচা আপ্রইকো খুওয়ং রুওয়েপা।

ঙারোগু কুঃবাং চেংজাখ্রাংমা মাখ্যাবাগি, প্রফুছুগি রেংসুউ আলাককা ঙারোগু কুয়িরো থাঃরা।

নাংরোরা অর লুঃউরো আপ্রইকো খুওয়ং রুওয়েকি, য়াংখারা নাংরোমা গংখাং ফুংমা ফাখাংচা নাংরোগুলি খুওয়ং রুওয়েফু।

“গংখাংমা ঙ্রাকরোগো ক্রিগে; ঙ্রাকরো আচিই মুপ্যুও, আসিই মুরুয়িই, কেইংমালি য়াংলো মাঃথা, য়িগিলি নাংরোমা গংখাং ফুংমা ফাখাংচা য়াংসুউরোগো আঃচা পিই থাঃরি। নাংরো ঙ্রাকরো থাক অরআম্যা আঃফু হিকরি মুহুক লঃ?”

“দিঃ লঃগামা নাংরো কোঃ কিজু উচ্চা-পৈচি মায়াংগেকি। লঃগামা য়াংচারো ছুইরো লাঃরি অর পোঃথুরো ফ্যাকতি অর সুখুও বুঃউগু ফ্যাকরো খুও য়ুউলাঃরি।” ছুগি গংখাং ফুংমা মুঃছুই, পোঃলি মাফ্যাক অর সুওখুলি বুঃউগু ফ্যাকরো মুখুও। য়জংকিজু গংখাং ফুংমা কুঃ কিজু উচ্চা-পৈচি য়াংগে, আক্রংগা নাক উচ্চা-পৈচি যাদেমা হিকফু, নাক চিদানাচা য়াংদে হিকফু।

“ইংস্যাং নৈয়ককো তয়কচা মুপ্রুকজুনৈং আক্রংগা য়াংসুউ তয়ককো মুংরাফু অর তয়ককো খ্যরাফু। য়াংসুউচা তয়ককোরা য়ুউলো চিই খ্যাফুব্যা অর তয়ককো মিক্রিনৈং প্যাংফু। থাওরা ফোরানা উচ্চা-পৈচিই দিঃ নৈখুগো তিখিংমা মুপ্রুকজুনৈং।”

প্রাংরোমা গিনিক যা ম্রাকরো হিকরি, হ্নাকফ্রেং য়াংচারোগো মিং থিফুব্যা, ছুগি থাওরা ফোরাচা যাখা দিঃচারোগো দিঃপুয়েং প্যাংরিলি য়াংখা অ..চিইমা আনইং ক্যুংসারো, ফোরাচা নাংরোগো আমেইং তুখুক প্যাংজারা হিকরি য়াংচাগো মিসিকগেলঃ।

ছুগি নাং যাখা ছাংরিসারোগু তুখুকমাসা পিইরি য়াংখা নাকমা ঞাফাক যা লুকতিলি, য়াংচা নাকমা বিঃফাককো মিসিকজিইগি। যাফুলিছুগি নাংরো লুঃউ মিসিকরাঅং হ্লুউগে। য়হ্লকপ্রিঃমা নাক গংখাং ফাখাংচা, যাসুউ আলুংচা ম্রাংরি, য়াংসুউরো নাককো ছুউক পিইমি।

“সিঃধি রেঃকে, লুঃউগো প্রাফু কিজু কংমুঃ-কুকসো মুলুককেকি; য়াংপুয়েং লুককিরা নাংরোমা গংখাং ফাখাংবাগা তুখুউলি ছুউক মাঃরা মুহুক।”

“নাংরো যাখা সাদাং সুংগেতি, য়াংখা ক্রং সুউদুরোঞ্যং ম্যাকহা মঃমঃ প্যাংরো মিনিংগি। য়াংসুউরো সাদাংসুংচাগা লুঃউগু প্রাফু কিজু আগংনা খুনাংমা প্রাঃ লুউরো লিঃগেতি। ঙা নাংরোগু আম্হেং প্ররি, য়াংসুউরোচা কুঃ ছুউককো রাঃব্রিইব্যা।” ছুগি নাং যাখা সাদাং সুংরি য়াংখা গংনা খুনাংমা ছিই থিঃলি, যাফুলিছুগি লুঃউরো মিসিক রাঅং, নাং সাদাং সুংচাগু। য়জংছুগি নাক ফাখাংচা, যাসুউগু মাম্রাংরাগিলি বামা হিকরি, য়াংসুউরা ম্রাংরিব্যা। নাক ফাখাং, যাসুউ আলুংচা আথাককা ম্রাংরি, য়াংসুউরা নাককো ছুউক পিইফু।