Աստվածաշնչի հայտնի հատվածներ যোহন 14-ից

Կիսվել

“ঙা নাংরো আতুওয়ক ঈখিয়েং থাঃরো লাঃফু। ঙাঈঃ খেংসাগো ঙা নাংরোগু পিরি। লঃগা যাপুওয়েং পিইরিলি, ঙা য়াংপুওয়েং মিপিঃ। নাংরো চিইচা থুদু-দু মাফ্ররাঅং অর চিইমালি আক্রক মিহিরাঅং।

যীশু থোমাগো প্রলিরি, “ঙা লেং, আম্হেং অর বাওয়া। ঙা আতুওয়ংগা নিংরো মাঃলাগি, তয়কলি ফাখাংবাদুঃ মাঃলানৈ।

“নাংরোমা চিইচা অর থুদু-দুঃ মফ্ররাঅং। থাওরা ফোরা ঈ আঃপমা অক্যুং থাআঃ, ঙা আঃপমালি অক্যুং থাআঃ।

থুউ আঃকুরেং পিইসা, প্রফুছুগি সেংস্যাংসো ওয়িঞেং যাসুগো ফাখাং ঙানাঃমিনা রওয়েলৈফু, য়াংসুউরা আং অাক্রংলিলাগো য়ুউরো নাংরোগু সুওয়েংসাং পিঃমি অর ঙা নাংরোগো যাচারোগু প্রলৈতি, য়াংচারোগু চিইমা তুওয়ক পিইলিমি।

যাসু ঙামা হিকচা আলুং আঃনারুগো সিকরি অর সুংরিছুগিরা য়াংসুউ ঙাগো খ্যতি। যাসু ঙাগো খ্যতিলি, ঙা ফাখাং য়াংসুউগো খ্যতি। ঙালি য়াংসুউগো খ্যফু অর য়াংসুউবামা ঙামা গুংধগো ফুঅংফু।”

ঙা ফাখাংবামা তংমি, অর য়াংসুউ নাংরোবামা তাসাক নিংফু আতুওয়ক অরতয়ক লাকলিহিসাগু রুওয়েলৈমি। য়াং লাকলিহিসারা আম্হেং ওয়িঞেং। লঃগামা লুঃউরো য়াংসুউগো লাক মেখেংনৈ। আক্রংগা য়াংসুউরো য়াংসুউগো মাম্রাংরা অর য়াংসুউগো মিঃসিক। ছুগি নাংরোরা য়াংসুউগো সিঃরি, আক্রংগা য়াংসুউ নাংরোনা আঃতু নিংরি অর নাংরো চিইনুন্হুংমা ওয়ংরো নিংরি।

নাংরো ঙা নাঃমিনা যা তংফুলি, য়াংচা ঙা লুকফু। যাস্যালিছুগি ফাখাং গুংধচা সাঃ আতুওয়ংগা নিংরো পুঅংবেচি। ঙা নাঃমিনারা ঙাবামা তুখুমাঃসা তংগি, ঙা য়াংচা লুকফু।”

“নাংরোরা আম্হেং ঙাগো খ্যতিছুগিরা, ঙামা হিকচা আলুং আঃনাগো চংস্যক্কে।

ঙা ফাখাং ঈংমা নিংফু আঃরা আম্যা হিকরি। য়াংচা মুহুকি ঙা নাংরোগু প্রলিফু, আক্রংগা ঙা নাংরো কিজু আঃরা য়াংজং লাঃরি।

ঙা লাঃরো নাংরো কিজু আঃরা য়াং থাঃরো প্রেংরো লাঃফু অর ঙাবাদুঃ নাংরোগু য়ুউলাঃফু। যাস্যালিছুগি ঙা যামা নিংরিলি, নাংরোলি য়াংদেমা নিংনৈঅং।

থোমা যীশুগো প্রলিরি, “আস্যাং, কুঃবাং যাদু লাঃরিলি, য়াংচাগো ঙারো মিঃসিক, য়জংছুগি লেংগু যাপুয়েং সিকফুলি?”