Աստվածաշնչի հայտնի հատվածներ Yʉanɨ 16-ից

Կիսվել

Mu꞉nisigio moni ngikʉnanɨ aka ekoo ngia ɓɔ ɓieni nʉ majɨɔ amati asɛmɛ. Amati ʉ ɨtaka ngiakɛ na꞊dya ɓʉka‑ɓʉkaɨ dyaa. Ɨkyɛmɨngana, ɓieni tʉkʉ nʉ igue‑gue amati ʉ 'ʉtʉma jʉ ɛmɛ ma꞉ɓaa ɨtaka angu ɓaa. »

Ɨkyɛmɨngana, ati ngia 'Ʉtʉma wʉ ingono nguʉnanɨ a꞊ka‑ɔɔ, a꞊nɨkɨndakiso amati ʉ moni kingono gbagba. Ɛyɔ ambʉkʉyaka ɨngbaa yɨ moni akʉ ʉpanʉ nguangɔ makʉɔngɔ, ɨkyɛmɨngana a꞊yaka moni kʉ ekoo moni ngika a꞉kʉkɔ, nʉ a꞊nɨɓɨakɨa ɨsaʉ ekoo moni ngika ka꞊ka ɓisi ongo.

Kʉɓʉya ɨtakɨ‑takɨ ngiakɛ nambʉtakɔmʉ ɨkyɛmɛ akʉ ino yɨsɛmɛ. Teni, na꞊nyɨa nayɔ nyɨaa, aka ekoo ngia ɓɔ hueni nʉ ɨgyagya ɨja.

Ʉna tɔ, ɛmɛ maninu kusigio tʉkʉ kingono ɓɔ, yanʉ ɨjangɨa akʉ inu ɓɔ ɛmɛ mʉsa, jʉ mʉsenikɔmʉ, Mombi ngia aɓio ninu kʉsalɨa ambʉkʉkwanana kʉka ati ʉndɛnʉ. Ɨkyɛmɨngana, ndʉ mabi, makwanana ninu kʉtʉmɨa ɛyɔ. Nʉ ati ngia a꞊ka‑ɔɔ, a꞊mbiiso ɓombi ɓʉ ɨtaka moni ekoo ʉ ɓʉɓɨɓɨ, nʉ ekoo ʉ ɓungbingbii ngiɓa ɓʉ Asʉɓɨɨ nʉ ekoo ʉ 'ʉkɔmbɔ.

Akʉ inu ya kʉ ɓwanɨ. Ɨtakɨ‑takɨ ngiakɛ na amati ʉ ɓʉka‑ɓʉkaɨ, mbise iya ma꞊ka ɓata‑ɔɔ ninu kʉkanga, mɨtʉma ngiindɛnʉ ya꞊huo tiga nʉ ɨgyagya. Yambukuɓio tii ɓata nʉ mombi ngia akwanana ninu kuʉngwisio ɛyɔ. Ati ngia ɓisi ngiɓʉnanɨ ɓa꞊ka‑ɔɔ, nambukunaɓukuo tii ɓata ɨngbaa yɨ moni. Maninu kusigio tʉkʉ kingono ɓɔ, Tidoo a꞊ninzo ɨkyɛmɛ kʉ iɓomu ngia na꞊mʉta akʉ ino yɨsɛmɛ.

Maninu kusigio tʉkʉ kingono ɓɔ, naɓio amati ʉ ndɨa nʉ ndɨndanaka, ɨkyɛmɨngana ɓombi ɓʉ ɨtaka ɓabio nʉ ɨgyagya ati ngia inu na‑ɔɔ amati ʉ ikoko. Tɔ, ikoko ngiindɛnʉ ya꞊nɨtanaka tiga ɨgyagya.