Աստվածաշնչի հայտնի հատվածներ लूका 17-ից

Կիսվել

तबे प्रभू यीशू ऐ तैस्खे बुलो, “ऊबा बींऊँजियों आगू ज़ा, तेरे बिश्वाषे ही ताँव चाँग्गा करा।”

अरह् जे से देसो का सात्ती बंई तेरा बिरूध करला अरह् से सात्ती ही बई पाछू आऐयो बुलो, के ‘हाँव पस्त्ताऐं रूवा’ तअ तू तैस्खे माँफ करदा ज़ाऐ।”

तबे तिन मुँझ्शो ऐकी ऐं दे:खो के हाँव चाँग्गा हऐ गुवा; तअ से जोर-जोर शी पंण्मिश्वर के बड़ियाई करियों पाछू आया। अरह् प्रभू यीशू का धन्यबाद कर्दे तिन के लातो गाशी आगु मुँऐ पड़ा; अरह् से सामरी थिया।

ईन्देंखे च़ौक्क्ष रूऐ, के जे कुँऐं तेरा भाऐ गलती करला; तअ तू तेसी सम्झाऐ, अरह् जे से पस्त्तावा करह्, तअ तैस्खे माँफ करी दिऐ।

प्रभू यीशू ऐं बुलो, “कियो दषं आदमी चाँग्गै हऐ ने रंई थी? तअ तबे ओके नों झुणें केथै गुऐ?

प्रभू यीशू ऐ तिन खे जबाब दिता, “जे तुवाँरा बिश्वाष राई के दाँणे जै-तोड़ा भे हंदा; तअ जे तुँऐं बाँनों, बूरासो, अरह् सिसोऐं, के डाल़ों खे बुल्दे के जड़ी शे ऊख्लियों संमुन्द्रो दे लागो, तअ से तुँवारी शुँणेंदें अरह् माँन्दे।

जुण्जा कुँऐं आप्णी जीयाँन-प्राण बंचाँणें चहाँव, से आप्णी जीयाँन-प्राँण गुवाँला; अरह् जुण्जा कुँऐं आप्णी जीयाँन-प्राण गुवाँला से आप्णी जीयाँन-प्राण बंचाला।

तबे प्रभू यीशू ऐ आप्णे चैले खे बुलो, “ऐशो ने हऐ सक्दो, के आदमी के परीक्षा के ढैस-ठोकर ने लागो; परह् नीरभाग असो! सेजा आदमी जैस्के कारण कोसी ओकी दी ढैस-ठोकर लागो। किन्दें खे के जुण्जा कुऐं आदमी ईनू छ़ोटे शे छुटे मुँझ्शा कसी ऐकी खे भे पाप का कारण बंण्ला; तैस्खे ऐजो आच्छो हंदो थियो; के तैस्की टाट्टी दा भारी चाक्की का पाट बाँना ज़ादा, अरह् तैसी संमुन्द्रो दा फैरकाया ज़ाँदा।

“जैष्णों ऋषी नूह के देसो दो हुओं थियों, तेष्णों ही आदमी के बैटे के देसो दो भे तेष्णों ही हंदो। ऋषी नूह के देसों दो जाँव तोड़ी जल्प्रेले ने हऐ गई, ताँव तोड़ी लोगो मुँझी खाँणा-पींणा; अरह् जाज्ड़े ज़ाग हंदे रूऐ; अरह् जैई जल्प्रेले हऐ गुओ, तैई तबे सब-कुछ छ़:तिया नाँष हऐ गुओ।