Աստվածաշնչի հայտնի հատվածներ Dzwan 15-ից

Կիսվել

Mə də kâʼ fə utam, ghà də təŋkwè. Aghû yə̀ ghu təm doʼò dzəŋi anə fyiə kə mòʼ nə̀ mìə̀, mə də soʼo nəniy anə fyiə kə mòʼ nə̀ ghu, ghu ki mu ndə̀mə̀ ùtam. Ghà kwuni wày dzə ani zəŋi iyiə ì liy yiy abu mə də wày anə fyiə kə mòʼ nə̀ ghà.

Ghà doʼò tsə kə anə fyiə kə mòʼ nə̀ mìə̀, mə ki doʼò tsə soʼò anə fyiə kə mòʼ nə̀ ghà. Ŋkwè kə fəkàʼ kìy way dzə ani mu ùtam nə̀ noŋə̀ ghe kiy, kə də kə ani mu utam abu kə zôŋ doʼò nəniy anə fəkàʼ. À də̀ sòʼò ighəd, ghà way dzə ani mu utam, à mày kə nə̀ ghà təm dòʼò dzəŋi anə fyiə kə mòʼ nə̀ mìə̀.

Abu ghà təm doʼò nəniy anə fyiə kə mòʼ nə̀ mìə̀, fàʼà yə̀ àyiə yə mə tyi dê nəniy â ghà, abu ghà ŋwaa bə̂ fyiə kə ghà liə nəniy, Zə̀kìy kî nyə̀ bə̀ â ghà.

Ghà kə kə̀ sây dzə̂ miə. À kə sày mìə̀ gha, twum fyi sòʼò ghà nə̀ ghà zû mu utam, ndzòʼò ùtam wə u doʼò təŋ nəniy ani zəŋi tsə nə̀ abu ghà ŋwaa kə kiə̀ awò Tà anə izəd yam ù kì nyìə̀ ŋwò awò ghà.

Dzə̀d ì sòŋə̀ yə̀ wù də ani dè ìliə ate awò àfələ we yiy à də̀ â we ani pfə anə utuw u ghu.

Abu ŋkwè kìy də nəniy azoŋə̀ mìə̀ nə̀ kə muə way utam wiy Təli wam khìy màʼà, u zwùbə̀ myàʼà sòʼò ùŋkwè wə̀ u muə nəniy utam wiy nə̀ u si zwe, muə sòʼò ndə̀mə̀ ùtam.

Iyiə yə mə dzîy â ghà i də nə̀, “Ghà si liə tyili yə iwee nəli yiy anə yiə yə mə liə nəniy gha ate.”

Abu ghà fâʼ dzwàb tsə nəniy, dè bə̀ nə̀ ghà də tsə̀təndii tam, a ki də nə̀ ghà ghii dè yə̀ awò aghè nə̀ Təli wam də wù ùsòŋə̀ wìy.

Mə ndzə̂m də̀ kâʼ fə utam, Təli wam də mwe ə̀ ùswum.

Abu wù də wày anə fyiə kə mòʼ nə̀ mìə̀, ghu ki nîy maʼà fyi yə̂ we yəə à də̌ ŋkwè kə fə kàʼ kə̀ ghu khîy màʼà nəniy, kə zwum tsə, ghu pyə̀ màʼà yə̀ ndzòʼò ŋkwè kə fəkàʼ kə ghè kə̀ anə uvə̀lə̀.

Mə ghii àyiə yə̀ dzày bə̀ â ghà ani zəŋi tsə nə̀ ghà kəli tsə ndzòʼò dzwiʼi kə mə kwu nəniy, tə̀ ghà ki kwu idwiʼi yiy naʼ ìdzə̀m.

Abu ghà zuw nəniy â mìə̀, mə ki tsəŋə liə kə gha anə yiə yə Təli wam tsəŋə̀ liə kə nəniy miə ate, aŋwòə mə zuw ŋwò â we.

Mə dzîy bə̀ â ghà nə̀ ghà si liə tyili yə iwee nəli yiy.

Abu ghà də soʼo yəə à də̀ aghee mbyi, aghee mbyi yiy ki liə gha. Ghà kwuni wày dzə yəə aghee mbyi. Mə mə sày fyi ŋwò bə̀ gha anə fwumə kə aghě mbyi ghà kâm wày dzə aghee mbyi. À də̀ ighe aghee mbyi yiy dzwəə nəniy nə̀ ghà.