Աստվածաշնչի հայտնի հատվածներ Kutachika 6-ից

Կիսվել

Yehova chamufutwili kumuchima nanochu chaleŋeliyi muntu hamaseki, chamutiyishili kumuchima bwi-i.

Yehova wamweni kutama kwawantu kunatohi hamaseki, nimwafuukwiluwu mwejima nakutoŋojoka munyichima yawu munatami hohu bweŋi mafuku ejima.

Ilaŋa Nowa amutoŋeli kudi Yehova.

Yeniyi diyi nsaŋu yaNowa. Nowa wadiŋi muntu waloŋa, muntu walala hadi akwawu antu; Nowa wendeli naNzambi.

Yehova welili nindi, Antu naleŋeli nukuyijilumuna mwahita iseki; niantu, nianyama, niyuma yazalalaŋa, niatuda amuluzwizu; muloŋa chinamfutuli kumuchima chinayileŋeli.

Cheliluwu antu anatachiki dehi kuvula mwahita iseki, hiyakuvwala nianyana awambanda, anyana kaNzambi amayala amweni anyana kawantu awambanda nawu akweti lubanji, asumbula niaŋodijawu, ejima akeŋeluwu. Yehova welili nindi, Spiritu Wami hakakabakanaŋa namuntu nyaka yejimaku, muloŋa kwindi himuntu hohu, ilaŋa nyaka yindi yakashika munyaka nkulakaji namakumi ayedi (120). Hanyaka yina hamaseki hadiŋi antu ataluka, nkumininaku anyana kaNzambi amayala cheŋililuwu mudi anyana kawantu awambanda, hiyakuyivwela anyana; wenowu antu ahashankulu adiŋi ayilobu, amayala atiyakana mpuhu.

Dichi cheliliyi Nowa; mwejima mwamulejeliyi Nzambi dimu mweliliyi.

Nzambi hakumwila Nowa, nindi, Namoni antu ejima kunayikumi dehi; muloŋa iseki adiwanisha dehi madombu kudi wena; dichi nakayijilumwina kumu neseki.

Katuŋi watu namutondu wagofu, muwatu wakaketolumu tupeka, wakawujikajiki naweŋi wamupachi nimukachi nihanzi.

Nzambi wamweni iseki dinatoki dehi kwadu; muloŋa antu ejima aditokesheli mwendeluwu hamaseki bu-lu-lu.

Wakeŋija muwatu yuma yayumi yejima yikweti nyijimba, kulonda kuyihandisha ayedi ayedi kunyichidi yejima, hamu naneyi; akekala niweyala niwamumbanda.