Աստվածաշնչի հայտնի հատվածներ Johan 1-ից

Կիսվել

Menkhan tinạkʼ do unireko pạtiạuen arko ataṅkede onko mimitʼko do Isorren gidrạ hoyokʼ reakʼ ạidạriye ematʼkoa.

Etohopʼrege kathatetʼ tahẽkana, ar kathatetʼ do Isor ṭhen tahẽkana ar kathatetʼ do acʼge Isore tahẽkana.

Ona marsal do ńutre jolokʼkan tahẽkana ar ńut do ona marsal bae bhagao daṛeada.

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Sanamakʼge ona katha hotete sirjạu akana, ar oka sirjạu akan onako modre okaṭakʼ hõ uni begor do baṅ sirjạu akana. Onare jion tahẽkana ar ona jionge manwakoakʼ marsal tahẽkana.

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Uni do dhạrtireye tahẽkana ar dhạrti do uni hotetege sirjạu akana, enhõ dhạrtiren manwa do bako oromledea. Uni do acʼrenko ṭhene hecʼlena, menkhan acʼren hoṛge bako ataṅledea.

Unige sạri marsal do, one okoe mimitʼ manwako marsale emakokan, uni do dhạrtiteye hecʼlena.

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.