Աստվածաշնչի հայտնի հատվածներ Mataayo 5-ից

Կիսվել

Taanyi‑ho omooto uno aghughööti oromore, aramara arohunye mo‑nyongo, amare nakorotoora ighoro e ghesungo kubha robharëngaari bhoose bhano bhaanyi mo‑nyumba. Hangʼu hangʼu ne emirëngaari gheenyu ngekwëndëru ghirëngaari kwo bhaato, kubha bhabhönë korighi amaköri ghaanyu amachömu, bhamoghongi Iso waanyu uno anyi Mwishaaro.

“Inyu n‑emirëngaari ghe se moonyi. Omoghya uno wabhëkuru a‑gheghoro, toghotora kwibhisa.

Ngʼoni bhano bhaanyi na akörö yeero, gho kubha mbakorerighi Eryobha.

Ngʼoni bhano bhaanyi na anchëra na anyööta e ghuköra ghano Eryobha rekwënda, gho kubha ndekobhiighoti.

Amare eni ˆnekabhabhoorera kubha, mobhasiighe abhabhisa bhaanyu. Wiiki, mobhasabhere kwo Ryobha bhoose bhano bhakobhanyaaki.

“Ngʼoni bhano bhaanyi abhahabhe mo‑chaakörö, gho kubha obhutëmi bho Mwishaaro m‑bhobhoobho.

Ngʼoni bhano bhaanyi abharwachi, gho kubha Eryobha ndekobhabherekera abhaana bhaache.

Ngʼoni bhano bhaanyi na amacheeche, gho kubha Eryobha ndekobhaghambisani.

Ngʼoni bhano bhakunyaakibhu gho ghiri e ghuköra ghano Eryobha rekwënda, gho kubha obhutëmi bho Mwishaaro m‑bhobhoobho.

Ngʼoni bhano bhaanyi na changori, gho kubha Eryobha ryose ndekobharigheri changori.

“Ngʼoni inyu abhaato bharabhatoka na kobhanyaaki, na kobhaghamba kobhe kwo manga maaru gho ghiri yaane, gho kubha hangʼu nibhu ꞉bhaare bharabhanyaaki abharööti bhano ꞉bhaare‑ho hayo ekimbërë. Muchömëru na ghuchaghana, gho kubha Eryobha ndebhatooriire atuho inkoro Mwishaaro.

Ngʼoni bhano bhaanyi abhahörëëru, gho kubha mbaghughabha ase.

“Inyu n‑omoonyo o se. Amare omoonyo aribha usarëkiri, noghotooreru ke ghugharoki obhuchömu bhooche wiiki? Tooghotora kubha no obhuchömu wiiki gho gheghiro ghyokyose, amare mbakowute kurë na ghutachu na abhaato.

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

Aribha angʼana enyi hëënë ibhe hëënë. Hamu aribha tiyaanyi ibhe tiyaanyi, gho kubha ghano ghaghokera ghayo, ngakoru kwo Rishambu, omobhisa wuure.

“Mumariri kooghu omoghiro uno okobhugha kubha, ‘Eriisho kwo eriisho, ne eriino kwo riino.’ Amare eni ˆnekabhabhoorera kubha, otamoreha obhobhe omooto uno aghuköriire obhobhe. Aribha omooto araghutëma orohe mo‑rusa ro kwiro, omugharurere na ro kumosi wiiki.

Mbe, eriiso reecho re kwiro reraköra ukörë amasari, oreruusi na korite kurë. N‑ghuchömu kobhori ekyemo kimu ghokera omobhere waacho woose kurëkëru mwiribha re mororo. Wiiki, aribha n‑okubhökö koocho gho kwiro ghoghughëri ukörë amasari, okonunge oghutë kurë. N‑ghuchömu kobhori ekyemo kimu mo‑mobhere waacho, ghokera omobhere waacho woose kurëkëru mwiribha re mororo.