Աստվածաշնչի հայտնի հատվածներ Zään 16-ից

Կիսվել

Kä n ‑sonö'anyɩ lä wälɩnɩ 'fɩɩn ‑yä, a ‑yä ‑amʋ 'sɔ kä 'jɛnyɩ‑ nä, a 'kä 'kʋ wɔtɔlɩ 'mnö kʋ. A yi ‑mää 'ylʋzɔɔ nyäkälɩ 'nii. ‑Mä, n yä ‑dʋdʋnʋ kʋʋ' 'päwaa sɩä. Nä, a kään yɩ 'tɛtɩ!

‑Mä ‑ɔ plöö‑ lä ‑Nʋawlɛɛ' 'Wugɔɔ nä, ʋ kä ‑yi nä, ʋ yi'anyɩ ‑nʋawlɛɛ 'fɩɩn 'mnö 'tie. Ʋʋ' ‑lä ʋʋ' 'wluu ‑sä 'nɩ ʋ 'kä ci, ‑mä sä ʋ nuu‑ lä nä, sɔɔ ʋ 'kä lä ci. Ɩyä wälɩɩ ‑ɩ 'gä lä ‑zee yi nä, ʋ 'kanyɩmɩ soo.

'Nɩ dä ‑a 'nö bhlä 'kʋ kʋʋ nä, 'naa 'ŋnöö 'mnö, aa' ‑lätee lʋʋ ‑zla. ‑Pɛpɛɛ nä, a zla yɩ 'Bäɔ ‑mä ɔ yi'anyɩ 'nyɛ, ɩyä anyɩa' ‑pʋpɛɛ 'kä nëë' slää.

A ni ‑nʋawlɛɛ n sonö'anyɩ lä. Anyɩa' ‑za nä, ɩ ‑ŋwa 'kʋ nynä n mʋ. N 'nö ‑mʋ nä, plɛɛ' Bhlüënyɔɔ' nö'anyɩ ‑lä yëku yi. ‑Mä n kä ‑mʋ nä, n yio lobho. Ɔ kä ‑yi nä, ɔ yi ‑mää 'ylʋzɔɔ' nyɩkpaa paa nynä wa yä mnɔɔ. Kwa mnɔɔ‑ nyenyii' 'pɛlʋʋ 'mnö, 'nɩ wa mnɔɔ‑ Laagɔɔ' 'kʋgëlɩɩ' 'pɛlʋʋ 'mnö, 'nɩ wa mnɔɔ‑ 'sɩɩ Laagɔɔ' 'titee' 'pɛlʋʋ 'mnö.

Anyɩ ‑mä 'sɩɩ, ‑pɛpɛɛ nä, plɛɛ‑ belio'anyɩ ylä 'mʋ. ‑Mä n yi'anyɩ bʋkʋ yëku yi, 'nɩ ‑pʋpɛ yi'anyɩ 'bhlä. ‑Lɔɔ' ‑pʋpɛɛ, nyɩkpɔ nö'anyɩmɛ ‑lä 'kɔɔkɔ ‑sä. ‑Lɔɔ' ylʋʋ 'kʋ nä, a nö'ö ‑läyɩɔ wälɩklë ‑bhlo 'coo ‑za 'ylä. ‑Nʋawlɛɛ 'mnö, n sonö'anyɩ nynä ‑mä, lʋʋ' lʋʋ a yi lä 'Bäɔ 'ylää 'naa 'ŋnöö 'mnö nä, ɔ yi'anyɩmʋ 'nyɛ.

‑Nʋawlɛɛ 'mnö, n sonö'anyɩ nynä a yi 'tu 'nɩ a yi bhʋtʋ. ‑Mä 'tänyɩɛ 'mnö a 'kä lä 'tu ‑yä a 'kä lä bhʋtʋ nä, ‑lɔɔ 'ylʋzɔkʋnyʋä 'kä lä ‑pʋpɛ nʋ. Plɛ yi'anyɩ 'kpɔsɔ, ‑mä anyɩa' plɛɛ' 'kpɔsɔlɩɩ yi anyɩa' ‑jäkää' jɩjlä.