Աստվածաշնչի հայտնի հատվածներ YAM JAH 6-ից

Կիսվել

Simiang Siyiex laux rhawm ka pa phan pa yuh tix kawn pui piang haktiex, Nawh Cao kied kleuh sigrien sigre heue.

Simiang Siyiex yaox pa caox caig yuh kawn pui hoik ting lhaong piang haktiex, krax keud kix, mawh pa ang mhawm khaing heue.

Viang mawh nan, Noax mawh pui pa caw rhawm sivoe ngai Simiang Siyiex heue.

In mawh grawng doeh ru Noax, Noax mawh pui pa rahsee mai pa grum naog, daux doeh ru nawh, nawh mawh pa hu tau mai Siyiex.

Mawh kheu nan, Simiang Siyiex ah nin, “Aux kied kleuh ka pa hoik phan hoik yuh ti kawn pui, Aux tak sang yuh can pa koe piang haktiex in laux leeing jah ka kawn pui tom hoek ka totiag can pa chix mu piang tiex khankix mai sim sai raoma khankix heue.”

Yam jah kawn pui lih ti haoh hun ka piang haktiex, kix koe kawn sibun tom nie, Kawn simex Siyiex khankix yaox mhawm grang kawn bun kawn pui, kix laug ti teei mawh moeng tix heue. Simiang Siyiex ah nin, “Khwan Aux tak ang lai ot ka daux kawn pui leeing ju, kheu mawh nawh nex nham, Aux tak sang kieh baux ju nawh die ngie tix yieh tixnga num heue.” Yam an pui pa ting lhaong lih koe piang haktiex, Kawn simex Siyiex khankix, teei ti moeng kawn bun kawn pui, kix pon kawn praix pa ting riang rao, pa ao min tom yam an son cao tix heue.

Mawh kheu nan, Noax yuh kuceu awm gumlox pa hoik tawm Simiang Siyiex ka nawh heue.

Siyiex ah nin ka Noax, “Dee sidah bawg yam kawn pui hoik hoek plak sivoe ngai Aux, mawh kheu hoik naog pa kied lang teung piang haktiex jao kix, jhak heue, Aux tak sang yuh kix laux tau mai haktiex heue.

“Yuh reu ting tix mu son cao maix, ka khaox gawpharax, yuh lawg khankix koe daux reu, kraix peeh khaox gix ka plak daux mai plak praix heue.”

Siyiex jhak ka haktiex, Nawh Cao hoik yaox ka laux leeing cux sium haktiex, nex nham kawn pui khankix kawx hoik hu ka daux pa laux leeing haktiex heue.

“Maix tak yaox ti viex totiag pa im ju mhaing mai shiang ku mawx ku an laig ka daux reu sonsang priex maix kix im ju tau mai maix heue.